सडक विस्तारका क्रममा डोजर चालक कुटिए

राष्ट्रिय गौरवको आयोजना ‘कर्णाली करिडोर’ सिमकोट खार्पु सडक खण्ड विस्तारको क्रममा एक हुल आएर डोजर चालकमाथि निर्घात कुटपिट गरेका छन् । सडक विस्तारको काम भइरहेको बेला सिमकोट सडकखण्ड खन्र्नेक्रममा बुधबार विहान डोजर चालकमाथि अज्ञात समूहले कुटपिट गरेको प्रहरीले जानकारी दिएको छ ।

उक्त समूहको आक्रमणमा परी चालक धादिङ्ग जिल्ला माजिष्टा गाउँपालिका १० का २१ बर्षिय राजेश चेपाङ्ग र हुम्ला जिल्ला सर्केगाढ गाउँपालिका २ रिप गाउँका २३ बर्षिय बिमल महतारा घाइते भएको प्रमुख जिल्ला अधिकारी चिरन्जीबि गिरीले जानकारी दिए ।
सडक विस्तार भईरहेको अवस्थामा काममा खटिएका चालकमाथि आक्रमण हुँदा चालक घाइते भएका छन् । चालकलाई उपचारका लागि अस्पताल पठाईएको छ ।

सिमकोट खार्पु सडकखण्ड विस्तारको क्रममा स्थानीयबासिन्दाले दुबै चालक माथि आक्रमण भएको थियो । सिमकोट गाउँपालिका ५ वडाका स्थानीय बासिन्दाहरुले आप्mनो खेतबारीमा सडक विस्तार गरेपछि मुअब्जा दिनु पर्ने माग राखेका छन । कतिपय बासिन्दाहरुको उब्जनी हुने खेतबारीमा सडक विस्तार गरेपछि आक्रोश पोखेका छन ।