जिल्ला अस्पतालमा बिरामीको चाप बढ्दै, जटिल बिरामी राख्न बेडको अभाव

पछिल्लो समय जिल्ला अस्पताल हुम्लामा बिरामीको संख्या बढ्दै जान थालेपछि बिरामीलाई राख्ने बेडको अभाव हुन थालेको छ ।

वर्षायाममा हुने मौसम परिवर्तन लगायतका कारण जिल्लामा विरामीको संख्या बढेपछि अस्पताललाई उपचारमा समेत कठिनाई भएको हो । निकै थोरै बेडको व्यवस्था भएको अस्पतालमा जटिल प्रकृतीका बिरामीको संख्या दिनप्रतिदिन बढ्दै जान थालेपछि भर्ना गरेर राख्ने बेडको अभाव हुन थालेपछि यस्तो समस्या भएको जिल्ला अस्पतालका टसी लमाले जानकारी दिए ।

असार दोस्रो सातायता जिल्ला अस्पतालको चाप बढ्दै जान थालेपछि भर्ना गरेर राख्ने बिरामीका लागि बेडको समस्या भएको डा. टसीले जानकारी बताउनुभयो । सदरमुकाम आसपासका क्षेत्र सहित सदरमुकामबाट दैनिक दिन जिल्ला अस्पतालमा ८० देखि ९० जना बिरामी उपचारको लागी आउने गरेको डाक्टर लामाले जानकारी दिए ।

१५ शैया बेड क्षमता भएको जिल्ला अस्पतालमा विरामीको चाप दैनिक दिन बढेपछि बेड भरीभराउ हुनुको साथै अस्पताल भर्ना भएका जटिल केशका विरामीलाई भुईमा राखेर उपचार गर्नु पर्ने बाध्यता रहेको डाक्टर लामाले बताए ।

एक कोठामा ६ बेड राखेर बिरामीको उपचार गर्नु पर्ने अवस्था निकै जटिल छ’ बिरामीको स्वास्थ्य उपचारका लागि अस्पतालको ओपेडिमा रहेका डा. लामाले जानकारी दिए । ‘जिल्ला अस्पतालमा विरामी उपचार गर्नका लागी कोठा अभाव भएको छ । डा. लामाले भने, ‘१५ शैयाको अस्पतालमा कोठाको अभाव हुँदा बेडहरु कोचिएर १५ देखि २० सम्म राख्नुपर्ने अवस्था रहेको छ ।

यतिबेला जिल्ला अस्पताल हुम्लामा मौसम परिवर्तनका कारण झाडा पखाला, दम, मुटु रोग लगायतका विरामी बढी आउने गरेका छन् । जिल्ला अस्पतालमा भर्ना भएका बिरामी बृद्धबृद्धा र बालबालिका बढी रहेको उल्लेख गरेका डा. लामाले केही दिन अगाडीसम्म कोरोना संक्रमणको कारण बन्दाबन्दी भएका बेला अस्पतालका बेडहरु खाली भएको भएता पनि पछिल्लो समय बन्दाबन्दी खुकुलो भएपछि अस्पतालमा उपचारका लागी आउने बिरामीको संख्या बढेको छ ।