बेबारिसे अवस्थामा रहेको काठ नियन्त्रणमा

हुम्लाको खार्पुनाथ गाउँपालिका वडा ४ खार्पुदोभानामा बेबारिसे अवस्थामा राखेको काठ नियन्त्रणमा लिइएको छ । डिभिजन वन कार्यालयबाट खटिएको टोली खार्पुनाथ प्रहरी चौकीको संयुक्त टोलीबाद्धारा बाटोमा बेवारिसे अवस्थामा राखिएको १ सय ९० थान काठको ढ्याप र २४ थान कडी नियन्त्रणमा लिएको डिभिजन वन कार्यालय हुम्लाका प्रमुख निरज झा ले जानकारी दिनुभयो ।यन्त्रणमा लिइएको काठ मध्य १ सय ४१ थान ढ्याप डिबिजन बन कार्यालय सिमकोटमा ल्याइएको र बाँकी ७८ थान काठ खार्पुनाथ प्रहरी चौकीको जिम्मामा छोडेको प्रमुख झाले बताउनुभयो । काठ कस्को हो अहिले सम्म कसैले पनि आफ्नो भनेर दाबि नगरेको समेत प्रमुख झाले बताउनु भयो । बरामद काठ सबै सिमकोटमा पुगे पछि मुचुल्का उठाई १५ दिने दाबि बिरोधको लागी सुचाना निकाल्ने समेत प्रमुख झाले बताउनु भयो । १५ दिन सम्म कोही सम्पर्कमा नआए वन निति अनुसार अगाडी बढ्ने डिभिजन वन कार्यालय हुमलाले जानकारी दिएको छ ।

हुम्लाको स्थानीय स्तरको मुल्य अनुसार १९० ढ्याप काठ प्रति काठ २ क्युफिटको दर ३८० क्युफिट रहेको छ । गाउँघरको मुल्य प्रति क्युफिट १ हजार २ सय रुपैंया रहेको छ । यसरी हेर्दा सो काठको मुल्य ४ लाख ६० हजारको रहेको छ भने सरकारी रेट अनुसार १ लाख ९० हजार रहेको छ । सरकारी रेट प्रति क्युफिट १ सय रहेको छ ।