पाँच दिन देखि टेलिफोन सेवा अवरुद्ध

हुम्लाको उत्तरी क्षेत्रमा रहेका दुईवटा गाउँपालिकामा टेलिफोन सेवा अवरुद्ध भएको छ । सिमकोट वडा वडा – ८ धारापोरीमा रहेको टावरमा खरावी आएका कारण पाँच दिन देखि त्यस क्षेत्रका नागरीक टेलिफोन सेवाको पहुँचबाट टाढा रहेको स्थानीय नुर्वु बुढाले जानकारी दिनुभयो । धारापोरी टावरमा खरावी आएका कारण दुई गाउँपालिकाका सेवाग्राहीलाई समस्या निम्त्याएको छ ।

वडा – ८ धारापोरीको ठाडा ढुङ्गगामा लेखमा रहेको नमस्ते टेलिफोनको टावरमा खराबी आउँदा स्याडा, डाडाफया, चौगनफाय, धारापोरी, खोल्सी र नामगा गाउँपालिकाको हेप्का, धिगाँ, लगायत गाउँका स्थानीय सञ्चार सेवाबाट बन्चित रहेको खोल्सीबाट बम बहादुर थापाले जानकारी दिनुभयो ।
पाँच दिन देखि टेलिफोन सेवाले काम नगर्दा त्यहाँका स्थानीय सञ्चारबाट विच्छेद हुनुका साथै टाढा रहेका आफन्त सँग टेलिफोनमा कुराकानी गर्न नसकेको थापाले बताउनुभयो ।

मर्मतको लागी नेपाल टेलिकम शाखा सिमकोटमा जानकारी गराउँदा कुनै वास्ता नगरेको स्थानीयले बताउने गरेका छन् ।
नमस्ते टेलिफोनको टावरले राम्रो काम नगर्दा त्यहाँका स्थानीयले बारम्बार समस्या भोग्दै आउनुपरेको छ ।

टेलिफिोन सेवा अवरुद्ध हुँदा टाढा रहेका आफन्त तथा गाउँघरका सुचना सम्प्रेषण गर्न समस्या बनाएको थापाले बताउनुभयो ।
गाउँमै रहेको टावरले काम नगर्दा तीन घण्टाको पैदल हिडेर टेलिफोन सम्पर्कमा जोडिनुपर्ने बाध्यता रहेको उनले बताउनुभयो ।