नेपालमा थप २८ सय ५६ जनामा कोरोना संक्रमण

काठमाडौं । आज देशभर पछिल्लो २४ घण्टामा थप २८ सय ५६ जनामा कोरोना संक्रमण पुष्टि भएको छ ।

थप संक्रमितमध्ये काठमाडौं उपत्यकाका १५ सय ३५ जना रहेका छन् । यो अवधिमा १२ हजार तीन सय ११ जनाको नमुना परीक्षण गरिएको स्वास्थ्य तथा जनसंख्या मन्त्रालयले जनाएको छ ।

यो समेत देशभर हालसम्म संक्रमित हुनेको संख्या एक लाख ५८ हजार ८९ पुगेको छ । यो अवधिमा देशभरबाट ३३ सय २६ संक्रमित निको भएर डिस्चार्ज भएका छन् ।

हालसम्म एक लाख आठ हजार तीन सय ३४ जना संक्रमणमुक्त भइरहेको मन्त्रालयले जनाएको छ ।

देशभर हाल ४५ हजार पाँच सय ७२ जना सक्रिय संक्रमित छन् । संक्रिय संक्रमित हिजोको तुलनामा घटेको हो । संक्रमितमध्ये दुई सय ७७ जनाको आइसियूमा र ६६ जनाको भेन्टिलेटरमा उपचार भइरहेको छ ।

स्वास्थ्य मन्त्रालयका अनुसार बितेको २४ घन्टाभित्र थप पाँचजना कोरोना संक्रमितको मृत्यु भएको छ ।

देशमा हालसम्म एक लाख ५८ हजार ८९ जना संक्रमित संख्या पुगेको छ । कुल ८ सय ४७ जनाको संक्रमणबाट मृत्यु भइसकेको छ ।