चारदिन देखि सिमकोटमा विद्युत अवरुद्ध

हुम्लाको सिमकोट गाउँपालिका वडा सातको १ सय ५० घरधुरी चार दिन देखि अन्धकारमा बस्दै आएका छन् ।

हिल्सा सिमकोट सडक खण्डको सडक चौडा गर्ने क्रममा डोजरले वडा सातको चौकेधारामा विद्युतको पोल ढाल्दा चार दिनदेखि यहाँका स्थानीय अन्धकारमा बस्दै आएका छन् ।

साविकको डाडाफयाको जबुका, थाया,ओखरेन, चुकेडी र दलित वस्तिका गरी एक सय ५० घरधुरी अनधकारमा बस्दै आएको स्थानीय मन्दिर सिंहले जानकारी दिए ।

अवरुद्ध भएको विद्युत सेवा मर्मत गर्नका सम्बन्धित नेपाल विद्युत प्राधिकरण कार्यायलमा जानकारी गराउँदा ठेकेदारले सडक चिौडा गर्नेक्रममा पोल ढालेको हुनाले आफुहरुले मर्मत नगर्ने जवाफ दिएको स्थानीय सिंहले बताए ।

उता ठेकेदार कम्पनीका ठेकेदारलाई मर्मतका लागी कुरा कुनै वास्ता नगरेको पाइएको छ ।  विद्युत सेवा शुचारु नहुँदा यहाँका स्थानीयले विगतको जस्तै सल्लाहको दियालो बालेर रात विताउनुपरेको गुनासो गर्न थालेका छन् ।