अपडेटः हेलिकोप्टरबाट मुख्यमन्त्री शाहीलाई सुर्खेत लगियो

कर्णाली प्रदेशका मुख्यमन्त्री महेन्द्रबहादुर शाही घोडाबाट लडेर घाइते भएपछि थप उपचारका लागी सिमकोट विमानस्थलमा टेकअपगरी साढे पाँचबजे सुर्खेत लगिएको छ ।

कर्णाली प्रदेश सरकारले शुरु गरेको जनतासँग मुख्यमन्त्री भन्ने टेलिभिजन कार्यक्रमको छायांकनका लागि सिमकोट गाउँपालिका वडा – ३ को लिमाटाङ जाने क्रममा मुख्यमन्त्री शाही लडेर सामान्य घाइते भएपछि हेलिकोप्टरबाट सुर्खेत लगिएको हुम्लाका प्रमुख जिल्ला अधिकारी चिरञ्जिवी गिरीले जानकारी दिनुभयो ।

सिमकोटबाट गाडीमा गएका मुख्यमन्त्री शाहीलाई आधाबाटो बाट घोडा चढाइएको थियो । मुख्यमन्त्री शाहीले चढेको घोडा तर्सिदा लडेर घाइते भएको घटनास्थलमा भएका नेपाल पत्रकार महासंघका जिल्ला अध्यक्ष अर्जुन बाृेहराले जानकारी दिनुभयो ।

यस्तै मुख्यमन्त्रीको टोलीले हिल्दुम विद्युत वितरण केन्द्र र प्रदेश सरकारबाट सञ्चालीत योजनाहरुको अनुगमन गर्ने कार्यक्रम रहेको जनाइएको छ ।