तीन करोडमा बनेको भवन काठको घोचो हालेर उद्घाटन

बुधबार स्वास्थ्य सेवा कार्यालय हुम्लाले रु ३ करोड बराबरको लगनीमा निर्माण सम्पन्न गरेको भवनको उद्घाटन घोचो हालेर गरेको छ ।
उद्घाटन शिलापत्रमा काठको घोचो लगाएरै कर्णाली प्रदेशका प्रमुख गोविन्द प्रसाद कलौनीले उद्घाटन गरेका छन् । कर्णाली प्रदेशका प्रमुख नैं प्रमुख अतिथिका रुपमा रहेको उक्त कार्यक्रममा शिलापत्रलाई कार्यालयको गेटमा काठको टुक्राले घोचो लगाएर काम चलाउ गरेर उद्घाटन गरिएको हो ।

व्यवस्थापनको कम्जोरीका कारण नयाँ बनेको प्रशासनको भवनमा रहेको शिलापत्रमा काठको घोचो हालिएको थियो । उद्घाटनमा हुम्ला पुगेका कर्णाली प्रदेशका प्रमुख कलौनीले त्यहि काठको घोचोमा अड्काएर राखिएको शिलापत्रको उद्घाटन गर्नुभएको हो ।
संघ सरकार मार्फत विनियोजित रकमबाट भवन डिभिजन कार्यालय जुम्लाले सो कार्यालय निर्माण गरिएको हो । “भवन निर्माण गर्दा २ करोड ९७ लाख ९१ हजार ७ सय २२ रुपैँया ८९ पैसाको लागत रकममा सम्पन्न भएको हो” । तर उद्घाटन कार्यक्रम अव्यवस्थित भएको सहभागीहरुले बताएका छन् । यत्रो रकमबाट बनेको भवन उद्घाटन गर्दा स्वास्थ्य कार्यालय शिलापत्र अडिने स्थान राम्रो बनाउन नसकेको बताइएको छ ।