४० लाखमा निर्माण हुँदै गरेको हेड नेपालको भवन मन्त्री रावलद्धारा अनुगमन

सदरमुकाम सिमकोटमा रहेको हेड नेपालको नव निर्मित भवनको कर्णाली प्रदेशका सामाजिक विकास मन्त्री दल रावलले अनुगमन गरेका छन् । कर्णाली प्रदेशको सामाजिक विकास मन्त्रालयको २० लाख, प्रतिनिधि सभाका सदस्य छक्क बहादुर लामाको सांसद कोषबाट १० लाख र हेड नेपाल म्याजिङ कोषबाट १० लाख गरि जम्मा ४० लाखमा सो भवन निर्माण कार्य भइरहेको छ ।

हाल सो भवनको एक तले समेत उठाई सकेको हेड नेपालका कार्यकारी निर्देशक छिटुप लामाले बताएका छन् । विश्व महामारिको रुपमा फैलिएको कोरोना भाइरसले गर्दा यो वर्ष हेड नेपाललाई सहयोग गर्ने विदेसी दाताहरुले सहयोग नगरेपछि हेड नेपाल संस्था बसेको घरभाडा समेत तिर्नलाई समस्या भएको लामाले गुनासो गरेका थिए ।

निर्देशक लामाका अनुसार कोरोना त्रासका कारण कसैले पनि आर्थिक सहयोग नगरेपछि कार्यालयदेखि विद्यार्थीहरुलाई व्यवस्थापन गर्न समेत कठिनाई भएको छ । आफु विदेशमा गएर अध्यायन गरे पनि हुम्लामै आएर केही गरौँ भन्ने चाहाना थियो । अन्तमा कोही कसैले सहयोग नगरेको उनको गुनासो छ ।

तर आज समाजिक विकास मन्त्री दल रावलले सो भवन अनुगमन गरेका छन् । अनुगमनका क्रममा हेड नेपालले मागेको माग भनेको साझा हो यसमा सरकारले जसरी पनि सहयोगको भावना राख्नु कर्तव्य पनि हो । आफ्नो तर्फबाट पनि सो संस्थालाई हेरफेर गरि रहेने समाजिक विकास मन्त्री दल रावलले आश्वासन दिएका छन् ।

गएको वर्ष हेड नेपाल परिवारले देउसी खेलेर उठाएको रकमबाट जग्गा किनेको भए पनि यो वर्ष सामाजिक विकास मन्त्रालय, सांसदकोष र हेड नेपाल म्याजिङ कोषबाट हाल आफ्नो भवन निर्माणको कार्य तिव्र रुपमा गरि रहेको निर्देशक लामाले बताए ।