कोरोना मुक्त हुम्लामा ४ जना नयाँ संक्रमित : एक हप्तामै ठुला कार्यक्रम

कात्तिक १८ गते देखि कोरोना संक्रमण मुक्त भएको हुम्लामा विहिबार राती नयाँ संक्रमित भेटिएका छन् । कोरोना लक्षण भएको आशंकामा स्वाव परिक्षण गरी सुर्खेत पठाउँदा विहिबार राती १० बजे ४ जनामा कोरोना पोजेटिभ देखाएको हो ।

जिल्लाको उत्तरी नाम्खा गाउँपालिकाको पालिका केन्द्र याल्वाङका ५ जना स्थानीयको स्वाव परिक्षण गर्दा एक जना नेगेटिभ अन्य ४ जनामा पोजेटिभ देखाएको जिल्ला अस्पतालका सुचना अधिकारी भक्ति फडेराले जानकारी दिनुभयो ।

कोरोना परिक्षणका लागी प्रदेश राजधानी सुर्खेत पठाइएको स्वावमा ६३,६०,३१, र १६ वर्ष उमेर समुहका याल्वाङका स्थानीय रहेको फडेराले बताउनुभयो । दुई जना महिना र दुई जना पुरुषमा कोरोना संक्रमण देखिएको हो ।

एक हप्तामै ठुला कार्यक्रम

कोरोना मुक्त भएको एक हप्ताको अवधिमा हुम्लामा ठुला ठुला कार्यक्रम, उद्घाटन आमसभा लगायत मानिसको भिडभाड बाक्लो उपस्थित हुने गरेको थियो ।

कोरोना संक्रमणको कुनै प्रवाह नगरी जिल्ला स्वास्थ्य सेवा कार्यालय हुम्लाले दुई दिन अगाडी मात्रै ठुलो संख्यामा नागरीकको उपस्थित गराएर सावधानि विनै उद्घाटन कार्यक्रम गरेको थियो ।

हुम्लामा समुदायस्तरमै कोरोना संक्रमण फैलिएपनि परिक्षणका लागी स्वाव संकलन नगरीदा संक्रमित नभेटिएको अगुवाहरुले बताउने गरेका छन् । यस्तै नाम्खा गाउँलिकाका ५ जनामा कोरोना आशंकामा स्वाव गरी परिक्षण गर्दा चार जनामा पोजेटिभ देखिएको हो ।

जिल्लामा पहिलो पटक असोज तीन गते एक जना युवतीमा कोरोना संक्रमण देखिएको थियो ।