दमको रोगले ३० वर्षिय सिताको ज्यान गयो

भदौ ७ । लामो समय दमको रोगले ग्रसित अदानचुली २ की ३० वर्षिय सिता बुढाको ज्यान गएको छ । आज बिहान अदानचुली २ स्थित आप्mनै घरमा ज्यान गएको उनका पति केआइसिंह बुढाले जानकारी दिए ।

सानै उमेर देखि दम रोगले पिडित बुढालाई स्थानीय स्वास्थ्य संस्था मा उपचार गराएपनि ठिक नभएपछि केही महिना अघी थप उपचारका लागि कर्णाली प्रदेशको राजधानी सुर्खेतमा समेत उपचार गराइएको उनको पारिवारिक स्रोतले जनाएको छ । सुर्खेतमा समेत राम्रो उपचार नभएपछि घर फर्काइएकी बुढालाई श्वास फेर्न गाह्रो हुने, ज्वरो आउने, पेट दुख्ने जस्ता समस्या थियो ।

कलिलो उमेरकी बुढाका २ छोरा र २ छोरी छन् । मृतकलाई हिन्दु संस्कार अनुशार आजै दाहसंस्कार गरिने बताइएको छ ।

सानै उमेरमा धुम्रपान गर्ने परम्परागत चुल्होमा खाना पकाउने समस्याका कारण हुम्ला लगायत दुर्गम क्षेत्रका महिलाहरुमा बढी दमको समस्याले अकालमा ज्यान जाने गरेको छ ।