हुम्लामा हिमपात शूरु, जनजीवन कष्टकर

हुम्लामा हिमपात सुरु भएको छ । गएरातएदेखि हुम्लामा हिमपात भएपछि हिमाली जिल्लाहरुमा जनजीवन प्रभावित बनााएको छ । हिमपातका कारण स्थानीय घरबाहिर निस्कन सकेका छैनन् । एक ठाउँबाट अर्को ठाउँ समेत आवत जावत गर्नलाई समस्या भएको छ ।

जिल्लामा हिमपात भएपछि थप समस्यात उतरी नाम्खागाउँपालिकाको लिमीमा बनाएको छ । यतिखेर लिमिमा एक फिट भन्दाबढी हिउँजमेको नाम्खा गाउँपालिका वडा नम्वर ६ का वडाअध्यक्ष पाल्जोेर तामाङले बताए । हिमपातका कारण सिमकोटमा तापक्रम ८ डिग्री माइनसमा झरेको छ ।

हुम्लाको सिमकोट, मुगुको ताल्चा, जुम्ला, लगायतका हिमाली जिल्लामा परेको हिमपातले हवाई सेवा समेत बन्द भएको विमानस्थल श्रोतले बताएको छ । हिमपातले चिसो बढे सँगै तिहाराको अन्तिम दिन भाईटिकमा टिका थाप्न जाँदाँ समस्या हुने भएको छ ।
नियमित परिरहेका हिमपातले शुरु सिमकोटका होटल व्यवसायी र स्थानिय बासिन्दालाई समस्या बनाएको छ ।

जिल्लाको उत्तरी नाम्खा गाउँपालिकामा हिमपातले गाईवस्तु, याक चौरीलाई समस्या भएको त्यस क्षेत्रका स्थानियले बताएका छन् । उच्च हिमाली जिल्ला हुम्लामा हिमपात र पानी परिरहेकाले प्रमुख जिल्ला अधिकारी चिरन्जीवी गिरीले यहाँका स्थानियलाई सतर्क रहन आग्रह समेत गरेका छन् । पश्चिमी भुभागमा सामान्य देखि पूर्ण बदली भएको हुदा कर्णालीका हुम्ला, मुगु, जुम्ला, डोल्पा लयातका जिल्लाहरुमा पानी पर्नुका साथै उच्च हिमाली क्षेत्रमा हिमपात भईरहेको छ ।