बहिनीको हातबाट टिका थापेर घर फिर्ता भएका सुनारको विच बाटोमै लडेर मृत्यु

म्लाको तल्लो क्षेत्रमा रहेको अदानचुली गाउँपालिकामा बाटो देखि खसेर एक जना पुरुषको मृत्युभएको छ । बहिनीको हातबाट टिका थाप्न बहिनीको घरबाट टिका थापेर आफ्नो घर फिर्ता भएका वडा दुई का ३५ वर्षिय रत्नपुर सुनारको बाटो देखि करिब ५० मिटर भन्दा खसेर घटनास्थलमै मृत्यु भएको छ । बहिनीको घर वडा ६ लमहिदेखि घर फिर्ता भएका सुनारको आधिबाटैमा खसेर मृत्युभएको हो ।

बहिनीको हातबाट टिका थाप्न गएका सुनार १ गते उतै बसेर २ गते साँझ पाँच बजे तिर घर फर्किने क्रममा गाउँ नजिकैको भिरबाट लडेर मृत्युभएको बुवा पठाने सुनारले जानकारी दिनुभयो ।

वडा ६ लमही गाउँमा रहेका बहिनी प्रेमकला टमटा र जानकला टमटाले टिकाको निम्तो दिए पछि टिका थाप्नका लागी मृतक सुनार त्यहाँ गएको बुवा सुनारले बताउनुभयो । साँझ परेपछि दुबै बहिनीले घर नजान आग्रह गरे पनि मृतक सुनारले नमाने पछि साँझ अबेर तिर फर्किएका हुन् ।

सुनारको खसेर मृत्युको खबर भने मंगलबार राती ९ बजे मात्र अआएको ज्वाई बिस्नु टमटाले बताउनुभयो । बहिनीको घरबाट एक्लै फिर्ता भएका सुनारको साँझ खसेर मृत्युभएपछि बुधबार विहानघटनास्थलमा प्रहरी पुगेर मुचुल्का गरीएको हो ।

घटना कसरी भयो भनेर श्रीनगर प्रहरी चौकीमा आफन्तले जाहेरी दर्ता गरेपछि पोष्टमाटमका लागी सदरमुकाम सिमकोट ल्याउन टाढा हुने भएकाले छिमेकी जिल्ला बाजुराको कोल्टिमा लगिएको हो ।

मृतक सुनारको घरमा आर्थिक अवस्था नाजुकभएकाले पोष्टमाटमको लागी लाग्ने रु ५० देखि ६० हजार सम्मको खर्च वडा दुईले गर्ने भएको वडाध्यक्ष दल बहादुर बुढाले बताउनुभयो । कार्यपालिकाका सदस्य लालपरु सुनार सहित वडा १, २ र ३ का वडाध्यक्षहरुको आपतकालीन बैठक बसी पोष्टमाटममा लाग्ने खर्च निशुल्क गरीने निर्णय गरीएको हो ।