प्रहरी जवानले रगत दिदा ३५ वर्षिया महिलाको ज्यान बच्न सफल

हुम्लाको सिमकोट गाउँपालिका वडा नम्वर १ ठेहेकी ३५ वर्षिया कलदरी बोहरालाई जिल्ला प्रहरी कार्यालय हुम्लाका एक जना प्रहरी जवान गणेश प्रसाद ढुंगेलले आज रगत दिंदा महिलाको ज्यान बच्न सफल भएको छ ।

मंसिर २ गते आफ्नै घरबाट अचेत अवस्थामा सदरमुकाम सिमकोट सम्म गाडीमा आएकी महिलाको विचबाटोमा बच्चाको आधा भाग झुण्डिएपछि ठूलो मात्रामा व्लड बगेको जिल्ला स्वास्थ्य सेवा कार्यालयकी सिनियर अनमी सरिता बोहराले बताइन् । साेही दिन जिल्ला स्वास्थ्य सेवा कार्यालय हुम्लामा भर्ना भएकी महिलाको अत्याधिक व्लड बगेपछि गर्भ पतन समेत भएको थियो ।

अत्याधिक व्लड बेगर अचेत अवस्थामा रहेकी महिलाको आज प्रहरी जवान ढुंगेलले एक पोइन्ट रगत दिएपछि मात्रै पहिला भन्दा केही सुधारमा आएको अनमी बोहराको भनाई छ । यतिखेर सो महिलाको ज्यान जोखिमबाट मुक्त भएको छ । अझै ति महिलाका लागि थप व्लड आवश्यक परेको अनमी बोहराको भनाई छ ।