हुम्लामा गाउँस्तर सम्म गस्ती शुरु

पछिल्लो समय हुम्ला जिल्लामा राज्यबाट प्रतिवन्धित पार्टी नेकपा विप्लवको गतिविधी बढेको आशंकामा तीनवटै सुरक्षा निकायले आफ्नो गस्ति परिचालनलाई बढाएको छ ।

जिल्ला प्रहरी हुम्ला र सस्शत्र प्रहरी बलले गाउँ गाँउमा सुरक्षा गस्ति शुरू गरेको छ । जिल्लाको शान्ति सुरक्षालाई मध्य नजर गर्दैै जिल्ला प्रहरी कार्यालय हुम्ला र सश्सत्र प्रहरी बल हुम्लाले संयुक्तरुपमा नागरीकको सुरक्षाका लागी गाउँस्तर सम्म पहिलो पटक गस्ती परिचालन शुरु गरेको छ ।
सशक्त रुपमा सुरक्षा सर्तकता बढाउन जिल्ला प्रहरी कार्यालय हुम्ला र सशस्त्र प्रहरी बल हुम्लाले संयुक्त टोली मंसिर ६ गते विकट गाँउमा सुरक्षा गस्ति गर्न थालेको सशस्त्र प्रहरी बल हुम्लाका डिसपी मोहन विष्टले जानकारी दिनुभयो । पहिलो पटक मङ्सिर ६ गतेबाट जिल्ला सदरमुकामबाट परिचालीत टोली तल्लो क्षेत्रकमो सर्केगाड लगायतका गाउँ सम्म गस्ती गरेर सिमकोट फिर्ता भएको छ भने पुन जाने तयारी भहिरहेको विष्टले जानकारी दिनुभयो ।

१५ जना नेपाल प्रहरी र १५ सशस्त्र प्रहरी बलका गरेर ३० जना सुरक्षाकर्मीको टोलीले केही दिन अगाडी गाउँसम्मै गस्ति गरेर सदरमुकाम फिर्ता भएको डिएसपी विष्टले जानकारी दिनुभयो ।

जिल्ला प्रहरी कार्यालय हुम्ला हरपल जनताको सुरक्षा लागि सधै तत्पर रहेको जिलला प्रहरी कार्यालय हुम्लाले जनाएको छ ।

प्रमुख जिल्ला अधिकारी सँग छलफल गरेर केही दिनमा पुन गाउँस्तर सम्म गस्ति परिचालन गरीने भएको छ ।

केही दिन अगाडी सदरमुकाम सिमकोट स्थित कृर्षि विकास कार्यालयको मुल गेटमा दुई वटा सकेट बम राखिएको थियो । यस्ले गर्दा नेपाल प्रहरी, सशस्त्र प्रहरी बल र नेपाली सेनाले आफ्नो गस्तिलाई बढाएको छ । गाउँ गाउँमा सुरक्षा गस्ति परिचालन भएको हुम्लामा पहिलो पटक हो ।