हुम्लाका ५९७९ जना बालबालिकाले भिटामिन ‘ए’ र बालभिटा पाए

हुम्लाका सातवटा स्थानीय तहका ४४ वडामा रहेका पाँच हजार नौ सय ७९ जना बालबालबालिकाले भिटामिन ‘ए’ र बालभिटा पाएका छन् ।
जिल्लाभरीका छ महिनादेखि ५९ महिना सम्मका पाँच हजार नौ सय ७९ जना बालबालिकालाई बिहीबार र शुक्रबार भिटामिन ‘ए’ खुवाउने कार्य सम्पन्न भएको छ ।

जिल्लाभारी रहेका दुई सय २४ जना स्वयंसेविका र स्वास्वस्थ्यकर्मीहरुले भिटामिन ‘ए’ सँगै जुकाको औषधि (अल्वेण्डाजोल) र बालभिटा खुवाएको जिल्ला स्वास्थ्य सेवा कार्यालय हुम्लाका सिनियर अनमी सरिता बोहराले जानकारी दिनुभयो ।

यसपटक भनेकोभिड १९ महामारी, दशैँ,तिहार र छठ पर्व लगायतका कारणले एक महिनापछि खुवाइएको स्वास्थ्य सेवा कार्यालय हुम्लाका सिनियर अनमि बोहराले जानकारी दिनुभयो ।

राष्ट्रिय कार्यक्रम अन्तर्गत वितरण गरिने भिटामिन ए ले रोग प्रतिरोधी शक्ति बढाउन र श्वासप्रश्वास रोग रोकथाम गर्न पनि सहयोग गने बोहराले जानकारी दिनुभयो ।

६ महिनादेखि १२ महिना उमेर समूहका लागि आधा क्याप्सुल र १२ महिनादेखि ५ वर्षसम्मकालाई एक क्याप्सुल भिटामिन ‘ए’ वितरण गरिएको छ ।
त्यस्तै १२ महिनादेखि २ वर्षसम्म आधा ट्याब्लेट र २ वर्षदेखि ५ वर्षसम्म उमेर समूहकालाई एक ट्याब्लेट जुका विरुद्धका औषधि अल्वेन्डाजोल वितरण गरिएको जिल्ला स्वास्थ्य सेवा कार्यालय हुम्लाले जानकारी दिएको छ ।

त्यसैगरी ६ महिनादेखि २ वर्ष उमेर समूहका बालबालिकालाई बहुसूक्ष्म पोषकतत्वको मिश्रण बालभिटा पनि वितरण गरिएको बोहराले जानकारी दिनुभयो ।

सरकारले विसं २०५० देखि कुपोषणबाट बचाउन र भिटामिन ‘ए’ बाट हुने रोग नियन्त्रण गर्न भिटामिन ‘ए’ कार्यक्रम लागू गरेको हो ।