हुम्लाको टेलिफोन समस्या समाधान गर्न युवाद्धारा प्रजिअको ध्यानकर्षण

लामो समयदेखि हुम्लामा नमस्ते टेलिफोन सेवाले काम नगर्दा यहाँका सेवाग्राहीले सास्ती खेप्नुपरेको भन्दै सेवा प्रभावकारी बनाउन प्रमुख जिल्ला अधिकारीको ध्यानकर्षण गरीएको छ । नमस्ते टेलिफोन सेवा तत्कालका लागी समस्या गर्न माग गर्दै हुम्लाका युवाहरुद्धारा प्रजिअको ध्यानाकर्ष गरीएको छ ।

एक महिना बितिसक्दा पनि नेपाल टेलिकमलले समस्या समाधान नगरेको भन्दै समस्या समाधानका लागि जिल्लाका युवाहरुले ३ दिनको समयावधि दिदै प्रमुख जिल्ला अधिकारी चिरन्जीबी गिरीलाई ध्यानाकर्ष पत्र बुझाएका छन् ।

ध्यानाकर्ष पत्रमा टेलिफोन सेवामा आएको समस्या समाधान गर्नका लागि दिएको ३ दिनको समयावधि दिएको छ । उक्त समयावधि भित्र समस्या समाधान नभएमा कडा आन्दोलनमा उत्रने र यसबाट उत्पन्न हुने परिस्थिति सामना गर्नका लागि तयार बस्न हुम्लाका युवाहरुले नेपाल टेलिकमलाई चेतावनी समेत दिएका छन् । पटकपटक मर्मतका लागि नेपाल टेलिकममा खबर गर्दा नेपाल टेलिकमले कुनै सुनुवाइ नगरेको स्थाीयवासीको गुनासो छ ।

डाफे र माबु लेखमा रहेका टावरमा रहेको एटिएन डिभाईसमा समस्या आएकाले लामो समय देखि स्थानीयले समस्या भोग्नु परेको भए पनि डिभाईस सहित प्राविधिक टोली काठमाडौंबाट हिडि सकेकाले केही दिनमै समस्या समाधान हुने नेपाल टेलिकम हुम्लाका प्रमुख शिब भट्टराईले जानकारी दिनुभयो ।

समस्यालाई समाधान गर्नका लागी प्रसाशनले नेपाल टेलिकम हुम्लालाई पटकपटक ताकेता गर्दा पनि सुनुवाई नभएपछि समस्या समाधानका लागि नेपाल टेलिकमको क्षेत्रीय तथा केन्द्रिय कार्यालयमा पत्राचार गर्ने प्रमुख जिल्ला अधिकारी चिरन्जीबी गिरीले बताउनुभयो ।

जिल्लाका विभिन्न नौवटा नमस्ते टेलिफोनका टावर निर्माण गरिएको भए पनि मोबाईल नेटवर्कले राम्रोसंग काम नगरेको स्थानीयको गुनासो छ ।

विहिबार नेपाल बिद्यार्थि संघ हुम्ला, नेपाल युवा संघ हुम्ला र नेपाल भारत वर्ड डिभालोमेण्ट फोरमले संयुक्त रुपमा नेपाल टेलिकमले समस्याको समाधान नगरेको भन्दै प्रजिअलाई ध्यानाकर्ष पत्र बुझाएका राष्ट्रिय युवा संघ नेपाल जिल्ला संयोजक सुवास रोकायाले बताउनुभयो ।