दुईजना बलात्कार आरोपी पक्राउ

जिल्लाको सर्केगाड गाउाँपालिका वडा ६ का एक जना बालिकालाई बलत्कार गरेको आरोप सोही ठाउँका दुईजना फरार अभियुक्तलाई आज विहान प्रहरीले पक्राउ गरेको छ ।

गत वर्ष (०७६ साउन २१ गते) १३ वर्षीया बालिकालाई लुगा धुन गएको समयमा पाँच जनाले सामूहिक बलात्कार गरेको आरोपमा तीन जनालाई तत्काल नै पक्राउ गरेको थियो भने फरार दुईजनालाई आज पक्राउ गरेको हो ।

बालिकालाई बलात्कार गरेको आरोप लागेका फरार अभियुक्तलाई प्रहरीले डेढ वर्षपछि सर्केगाड गाउँपालिका वडा ६ बाटै प्रहरीले पक्राउ गरेको छ ।

उक्त घट्नामा संगलग्न आरोपित तीन जनालाई प्रहरीले घटना लगत्तै पक्राउ गरेको थियो । बाँकि दुईजना आरोपित फरार रहेका थिए ।

आज पक्राउ पर्ने सर्केगार्ड गाउँपालिका– ६ का १८ वर्षका सन्देश बुढाथोकी र सोही गाउँका मानदेव बुढाथोकी रहेको जिल्ला प्रहरी कार्यालयका प्रही नायव उपरिक्षक सूर्यप्रकास सुवेदीले बताउनुभयो ।

फरार रहेका उनीहरूलाई जिल्ला प्रहरी कार्यालय हुम्लाबाट खटिएको प्रहरी टोलीले आज बिहान ४ बजे पक्राउ गरेको सुवेदीले बताउनुभयो ।

घटना लगत्तै पक्राउ परेका दुईजना पुर्पक्षका लागि बाँकेमा थुनामा रहेको र एकजना नाबालक भएकोले बालसुधार गृह हिरमुनिया बाँकेमा रहेको जिल्ला प्रहरी कार्यालय हुम्लाले जनाएको छ ।