हुम्लामा गतवर्ष भन्दा यो वर्ष मानवअधिकार उल्लघनका घट्नामा वृद्धि

‘नेपाल मानव अधिकार वर्ष पुस्तक २०२१’ का लागि सङ्कलित घटनाहरुको वार्षिक पूर्व समिक्षा कार्यक्रम हुम्लाको सदरमुकाम सिमकोटमा आज सम्पन्न भएको छ ।

आज इन्सेक हुम्लाका प्रतिनिधि नन्द सिंहले ‘नेपाल मानव अधिकार वर्ष पुस्तक २०२१’ लागी वार्षिक पूर्व समिक्षा कार्यक्रममा प्रस्तुत गरेअनुसार गत वर्षको त्ुलनामा भन्दा यो वर्ष मानवअधिकार उल्लघनका घट्नाहरु बढी रहेका छन् ।

ईन्सेक जिल्ला प्रतिनिधि सिंहले नेपाल मानव अधिकार वर्ष पुस्तक २०२१ का लागि तयार पारिएको प्रतिवेदनमा २०२० जनवरीदेखि हालसम्म राज्य पक्षबाट धम्की, कुटपिट चारवटा, अन्य पक्षबाट धम्की, कुटपिट सातवटा रहेका छन् भने महिला अधिकार सम्बन्धिका बलात्कार, बलात्कार प्रयास र यौन दुव्र्यवहारका चारवटा घट्ना रहेको छन् । यस्तै जातिय विभेद एक, बालअधिकार दुई, महिलाविरुद्ध हुने सबै प्रकारका भेदभाव, दुव्र्यवहारका चारवटा गरेर २७ वटा घट्ना रहेको प्रतिनिधि सिंहले बताउनुभयो ।

हुम्लामा गत वर्ष २४ वटा घट्ना घटेका थिए भने यो वर्ष मानव अधिकारका विभिन्न प्रकार २७ घट्ना घटेको सिंहले बताउनुभयो ।

वर्ष पुस्तक २०२१’ का लागि सङ्कलित घटनाहरुको प्रतिवेदन एकतर्फि भनाई राखेको भन्दै प्रमुख जिल्ला अधिकारी चिरन्जीवि गिरीले पिडक र पिडीत दुबै पक्षको भनाई समेट्नुपर्ने बताउनुभयो ।

आजै भएको कार्यक्रममा प्रमुख जिल्ला अधिकारी चिरन्जीवि गिरी, जिल्ला समन्वय समितीका प्रमुख दान बहादुर रावत लगायतको सहभागीता रहेको थियो ।