हुम्ला देखि नेपालञ्जसम्मको हवाइ भाडा घट्यो

लामो समयको अन्तरालपछि अघिल्लो हप्तादेखि हुम्लामा उडान भरदै आएको नेपाल एयरलाइन्सले हुम्ला देखि नेपालगञ्जसम्मको भाडादर घटाएको छ । यसअघि हुम्लादेखि नेपालगञ्जसम्मको रु ६ हजार पाँच सय ९५ रुपैयाँ भाडा लिदै आएको नेपाल एरलाइन्सले घटाएर रु ५ हजार तीन सय कायम गरेको छ ।

नेपालगञ्जबाट उडान भरदै आएका निजी एयरलाइन्सहरुले नेपाल एयरलाइन्सभन्दा कम भाडा लिनेभएका कारण केन्द्रिय कार्यालयमा हुम्लाको शाखाबाट भाडा घटाउन आग्रह गरेपछि बुधबारदेखि घटेको सिमकोट शाखाका प्रमुख बल बहादुर सुनारले जानकारी दिनुभयो ।

यसै गरी नेपालगंन्ज देखी सिमकोट सम्म ७ हजार ९ सय भाडादर रहेको उहाँले जानकारी दिनुभयो । नेपाल एयरलाइन्सले हुम्लामा हप्ताको एक दिन सोमबार उडान भरदै आएको छ ।