कर्णाली नदिमा बरफ जम्न थालेपछि सिमा सुरक्षाकर्मीलाई समस्या

हुम्लाको नाम्खा गाउँपालिकासंग जोडिएको चीनसँगको सिमाना क्षेत्र हिल्साको कर्णाली नदीमा बरफ जमेपछि हिल्सामा रहेका सुरक्षाकर्मी र घर कुरुवालाई समस्या भएको छ । चिसो अत्याधिक बढेको सो स्थानमा हालको तापक्रम माईनस १५ डिग्री सेल्सियस पुगको छ ।

नाम्खा गाउँपालिका वडा नम्वर ५ अन्तर्गत पर्ने हिल्सा क्षेत्रको कर्णाली नदीमा बरफ जमेर पानी नदेखिने भएको सिमा सुरक्षाका लागि बस्दै आएका (बिओपी) का इन्चार्ज सशस्त्र प्रहरी निरीक्षक सुरज केसीले बताए । उनका अनुसार नदीमा पानी नदेखिएर बरफले सेताम्मे देखिने गरेको छ । उक्त क्षेत्रमा यतिखेर घाम नलाग्ने भएका कारण चौबिसै घण्टा नदीमा बरफ जम्ने गरेको पाइएको छ ।

नदीमा जमेको बरफ माथि चाहेमा वारपार गर्न समेत सकिने भएको छ । चिसोका कारण नाकामा बस्दै आएका ससस्त्र प्रहरी र घर कुरुवा व्यक्तिहरुलाई बाहिर निक्लिन समेत समस्या भएको केसीको भनाई छ । उक्त ठाउँका घरहरु कर्णाली नदिको नजिकै रहेकाले पनि हावाको वेगले गर्दा बसि नसक्नु भएको छ । नारा लेकको हिमालहरुले गर्दा हिल्सा बजार एउटा कोप्चो जस्तै परेकाले समयमै घाम समेत नलाग्ने गरेको हो । त्यसैले उक्र क्षेत्रमा नियमित तरिकाले घाम नलाग्ने र बिहानैबाट हावा चल्ने भएको छ ।

चिसो निक्कै बडेपछि हाल तापक्रम माईनस १५ सेलसियसमा झरेको छ । अत्याधिक चिसो बढेपछि खानेपानीको धारा समेत जम्न थालेको छ । उनका अनुसार तातो पानी तताएर हालेपछि मात्र पानी आउने गरेको र चिसोका कारण हात मुख धुने काम गर्नलाई पनि समस्या भएको छ । अत्याधिक चिसोको कारण विहान करीव १० नवज्दासम्म बाहिर आउनलाएंई कठिनाई भएको भनाई छ ।