ट्राफिक नियम विपरित चल्दै हुम्लाका सवारी साधन

हुम्ला जिल्लाका केही सिमित स्थानहरुमा सञ्चालन भईरहेका सवारी साधनहरु ट्राफिक नियम विपरित सञ्चालन भएका छन् । जिल्ला सदरमुकाम सिमकोटबाट एक दर्जन गाडी र ट्याक्टरहरु सञ्चालन भएका छन ति सवै ट्राफिक नियम विपरित गुडि रहेका छन् ।

हुम्ला जिल्लाको सदरमुकाम सिमकोट वजारमा ट्राफिक प्रहरीले गाडीमा कति जना यात्रु बसेका छन् र सामन कति छ भन्ने चेक जाँच गरे पनि सिमकोट गाउँपालिका वडा नम्वर ६ को तिन धारा र वडा नम्वर ५ को सिवमन्दिर पास हुँदा वितिकै उक्त गाडीहरुले ओप्लोड मानिस र सामन राखेर गुडि रहेका छन् । जिल्लामा रुडप्रमिड विना सञ्चालन भएकोत यथावत नै छ तर व्यवस्थित तरिकाले भने गाडी सञ्चालन गर्नु पर्छ भन्ने चेतना गाडी चालक र मालिकमा नभएको पाइएको छ ।

पैंसाको लोभले गर्दा हाल सिमकोट गाउँपालिका वडा नम्वर ६ को तिनधाराबाटै जुनसुकै गाडीहरुले ओवरलोड गरेर गाउँसम्म पुग्ने गरेको डाँडाफयाबाट सञ्चारकमी मन्दिर सिंहले बताए । उनका अनुसार दिन रातै सञ्चालन भई रहेका एक दर्जन गाडी, ट्याक्टरहरुले क्षमता भन्दा बढि यात्रु र सामन बोकेर गाउँमा पुग्ने गरेका छन् ।

उक्त गाडी सञ्चालन भएका बाटोहरु भने सिंगल गाडीलाई आवत जावत गर्नलाई समेत समस्या छ । तर पैसाको लोपले गर्दा कोच्चिएर यात्रु ओसार पसार गरेका छन् । हाल सिमकोट देखि खार्पुदोभान, ठेहे र धारापोरीसम्म पुग्ने गरेका छन् । यो भन्दा अघि पनि हुम्लामा करीव २५ जना यात्रुको गाडी दुरघटनाबाट मृत्यु भइसकेको छ ।

उक्त कच्चि सडकमा जवरजस्ति यात्रुहरु बस्ने र बसाल्ने काम गरेको हुँदा आज उप्रान्त दुरघटना हुन नसक्ला भन्न सकिदैन । यसको बारेमा हुम्लाको ट्राफिक प्रहरीले सवै ठाउँमा ट्राफिक नियम पालना गर्नका लागि परिचालन हुनु पर्ने देखिएको छ ।