मौसम परिवर्तन पछि हुम्लामा चिसो बढ्यो

आज विहानबाट मौसममा परिवर्तन आएसँगै हुम्लाको सदरमुकाम सिमकोट सहित उत्तरी क्षेत्रमा चिसो अत्याधिक बढेको महशुस गरीएको छ । विहान देखि बादल लागेर घाम नलागेका कारण चिसो बढेको छ । विहान बेलुका चिसो बढी हुनेभएपनि दिउँसो घाम लागेपछि चिसोको महशुस नगरेका यहाँकाले स्थानीयले आज विहानबाट मौसम परिवर्तन सँगै बादल लागेर चिसो बढेको महशुस गरेका छन् । यो वर्ष जिल्लामा हिमपात नभएपनि चिसो अत्याधिक बढेको यहाँका स्थानीय राज बहादुर भण्डारीले बताउनुभयो । विगतका वर्षहरुमा हिमपात हुँदा चिसो खासै नमानिएपनि यो वर्ष हिउँ नपर्दा चिसो अत्याधिक बढेको महशुस भएको भण्डारीले बताउनुभयो ।

यस्तै जिल्लाको उत्तरी चीनसँगको सिमानाका नाम्खाको हिल्सामा आज दिउँसको तापक्रम माइन सात डिग्री पुगेको छ । दिउँसको समयमा पनि चिसो अत्याधिक भएपछि सिमा सशस्त्रलाई गस्ति समस्या बनाएको हिल्ला सिमा सुरक्षामा खिटएको हिल्सा विओपीका इन्चार्ज सुरज केसीले बताउनुभयो ।
शनिबार बिहान हुम्लाको तापक्रम माइनस ७ डिग्रीमा झरेको छ । बिहान तापक्रम घटे पनि दिउँसो यहाँको अधिकतम तापक्रम ८, ९ डिग्रीसम्म पुग्ने प्रक्षेपण विभागले गरेपनि आज दिउँसको समयमा पनि तापक्रम माइनसमा झरेको छ ।

चिसो बढेसँगै जिल्ला सदरमुकाम सिमकोट सञ्चाली होटेल पसल व्यवसायिहरुले आफ्नो पसल अगाडी आगो बालेर आगो ताप्दै व्यवसाय सञ्चालन गरीरहेका छन् ।

चिसोले बालबालिका, वृद्धवृद्धालाई समस्या निम्त्याउने भएको न्यानो भएर बस्न जिल्ला स्वास्थ्य सेवा कार्यालयका स्वास्थ्यकर्मीमान बहादुर रोकायाले जानकारी दिनुभयो ।

यस्तै जिल्लाको तल्लो क्षेत्रमा विहान बेलुका चिसो बढी हुनेभएपनि दिउँसको समयमा चिसो कमै हुने गरेको छ ।