गर्भवती महिलाका लागी निमन्त्रणा कार्ड

हुम्लाको खार्पुनाथ गाउँपालिकाले गाउँपालिका भरि गर्भवती भएका महिलाहरुका लागी स्वास्थ्य शाखाले निमन्त्रणा कार्डको व्यवस्था गरेको छ ।

गर्भवती महिला समुहको मासिक रुपमा बस्ने बैठकमा सम्मानका लागी उपस्थित हुने वातावरण सृजन ागर्न उक्त कार्डको व्यवस्था गरीएको हो ।

अघिल्लो दिन निमन्त्रणा कार्ड पाएर बैठकमा जानुको गर्भ अर्कै हुने खाप’ुनाथ गाउँपालिका वडा ४ छिप्रा गाउँका वेलमति टमटाले बताउनुभयो ।

यसअघि यस्तो समुह नभएको र बैठक पनि हुने गरेको थिएन । सात महिनाको गर्भ बोक्नु भएकी उहाँले स्वास्थ्य स्वयम सेविकाहरुले उक्त कार्ड लिएर बैठकका लागि निम्ता दिन आउने गरेको बताउनुभयो ।

खार्पुनाथ गाउँपालिका स्वास्थ्य शाखाका संयोजक बलिराज शाहीले भन्नुभयो, “गाउँपालिका भरिका सबै गर्भवती महिलाहरुलाई मासिक रुपमा हुने बैठकमा उपस्थिती गराउनका लागि निमन्त्रणा कार्डको व्यवस्था गरेर बोलाउने गरीएको छ” ।

गर्भवतीको सम्मानका लागि उक्त कार्डको व्यवस्था गरिएको उहाँले बताउनुभयो । बैठक अगाडी गर्भवतीले मासिक बैठकमा आउने कार्ड पाएपछि उहाँहरु बैठक आउने र छलफलमा भाग लिने गरेको जानकारी प्राप्त भएको छ ।

यो व्यवस्था गाउँपालिकाका पाँच वटै वडाका स्वास्थ्य संस्थाहरुका लागी गरीएको छ । गर्भवती महिलाको मासिक वैठक प्रत्येक महिनाको २८ गते बस्ने व्यवस्था गरीएको छ । निमन्त्रण कार्डमा गर्भजाँच गराउन गएबाट र प्रसुती गृहमा सुत्केरी भए बापत पाउने सुबिधा कुरा उल्लले गरे गर्भवतीलाई यी दुबै काम गर्न जानकारी गरिएको छ ।