खानेपानीको काम गरियो, धारामा नत पानी झर्यो, नत पैँसा पाइयो

खानेपानी उपभोक्ता समितिका अध्यक्षले काम गराएको पाँच महिना वित्दा पनि स्थानीयले ज्याला नपाएको गुनासो गरेका छन् । सिमकोट गाउँपालिका–८ स्थित स्याँडा गाउँमा खाने पानी बनाउनका लागि आएको रकम दुरुपयोग भएको छ । स्याँडा गाउँका करीव २ सय जना स्थानीयले मज्दुरी गरि कमाएको रकम, उपभोक्ता समितिका अध्यक्षले आफ्नो व्यक्तिगत रुपमा खर्च गरेको देखिएको छ ।

०७७ साल साउन महिनाबाट होपा खाने पानीको काम सुरुवाती गरेको पाँच महिना विति सक्दा पनि खाने पानी उपभोक्ता समितिका अध्यक्ष भैबहादुर बुढाले कामदारहरुलाई नदिएको स्थानीयको गुनासो छ । समितिका अध्यक्षले स्याँडा गाउँका करीव २ सय कामदार मध्य १ सय कामदारलाई सो ज्याला दिएको र अन्य सवै जनालाई हालसम्म काम गरेको रकम दिन नमानेको स्याँडा गाउँका स्थानीय लक्ष्य बुढाले गुनासो गरेका छन् ।

गत साउन महिनाबाट काम सुरु गरि भदौ महिनामा काम सम्पन्न भएको थियो तर सो रकम मज्दुरीलाई नदिएको बुढाले बताए । स्थानीय बुढाका अनुसार कर्णाली प्रदेशको भौतिक पूर्वाधार विकास मन्त्रालय मार्फत खाने पानीका लागि ६५ लाख रुपियाँ छुट्याएता पनि बालुवामा पानी हाले जस्तै भएको छ ।

स्थानीय बुढाले भने उक्त रकम मार्फत गाउँमा ११ वटा खाने पानीका नयाँ धाराहरु बनाउने भनियो तर खाने पानी उपभोक्त समितिको लापरवाहीका कारण जम्मा नौवटा धारा मात्रै निर्माण गरियो । गाउँमा नौवटा धाराहरु निर्माण गरिएको नाम मात्रै भयो, धाराहरु बनाइयो, तर पानी हलसम्म पनि झरेन यो समस्या जस्ताको तस्तै रहयो ।

खाने पानीको काम गरेमा पैशा पनि पाइने पानीको पनि सुविधा हुने भन्ने आशै आसमा काम गरियो नत पानी प्युन पाइयो नत ज्याला नै पाइयो स्थानीयले गुनासो गरेका छन् । धारामा पानी नझरेपछि पुरानै समस्या झेल्नु पर्ने बाध्यता अझैँ हटेन स्थानीयले भने ।
दुई दिन मात्रै काम गरेको एक जना कामदार बरावर १ हजार ६ सय रकम पाउनु पर्ने हो तर सो रकम पाइएन भन्दै स्थानीयले दुखेसो पोखे । काम गरेको ज्याला माग्न जाँदा अध्यक्ष बुढाले मेरो व्यक्तिगत काम गरेका छौ र ? के मेरो खेत जात्न गएको हो र ? भन्दै उल्टै धम्काउने काम गरेको स्थानीयले बताए । स्थानीय बुढाले भने यदि काम गरेको ज्याला नदिएमा प्रहरी प्रशासन समेत धाउन सक्ने चेतावानी समेत दिए ।