आर्थिक अभावमा तीन महिनादेखि ओछ्यानमै थला

हुम्लाको चंखेली गाँउपालिका– २ दार्मका २२ वर्षिय नगेन्द्र सुनार आर्थिक अभावमा तीन महिनादेखि ओछ्यानमै थला परेका छन् । घरको आर्थिक अवस्था कमजोरी भएपछि उनको उपचारमा समस्या भएको हो । विगत तीन वर्ष अघिदेखि कपालकोे नशा च्यापिएर बिरामी परेका सुनारको ०७७ कार्तिक महिनादेखि स्वास्थ्यमा झन ठूलो समस्या आएको भन्दै उपचारका लागि सवैलाई हारगुंहार गर्नु परेको विरामी सुनारले बताए ।

कपालको नशा च्यापिए लगतै उपचारका लागि काठमाण्डौं पठाएपनि आर्थिक अभावले छोराकाे उपचार हुुुन नसकेको उनका बुबा पौमल सुनारले बताए । उनले भने, छोरालाई उपचारमा काठमाण्डौं लगियो तर कसैको सहयोग भएन, तीन महिनादेखि ओछ्यानमै थला परेको छ । कसैको सहयोग भएमा उपचार हुने नत्र ओछ्यानमै थला पर्नु बाहेक अन्य विकल्प नभएको विरामीका बुवा पौमलको भनाई छ ।

आर्थिक अभावले गर्दा छोराको उपचार गर्नलाई जटिल समस्या भयो, घरको आर्थिक पनि नाजुक छ, गाउँदेखि केन्द्र सम्मका विभिन्न निकायमा हारगुहार गर्दा समेत कसैले सुनुवाई नगरेको सुनारले गुनासो गरे । छोराको उपचार खर्चका लागि घरको जग्गा जमीन पनि बिक्रि गरियो तर पर्याप्त भएन सुनारले भने । बिरामी नगेन्द्र सुनार आर्थिक अभावले महिनौदिनदेखि ओछ्यानमै थला पर्नु परेको छ ।

उपचार सहयोग गरिदिन हुन सम्पुर्णलाई आग्रह गरेका छन् । सुनारलाई आर्थिक सहयोग गर्न उनको मोबाईल नम्बर ९८४५४४२९३३ मा सम्पर्क गरि आवश्यक सहयोग समेत गर्नका लागि अनुरोध समेत गरेका छन् ।