सशस्त्र प्रहरीद्वारा कालाशिलता मन्दिर सरसफाई

सशस्त्र प्रहरी बल नेपाल हुम्लाले आफ्नो २० औ सशस्त्र प्रहरी दिवसका अवसरमा सिमकोट माथिल्लो बजारमा रहेको बाटो तथा मन्दिरमा सरसफाइ गरेको छ । आज विहान सशस्त्र प्रहरीको टोलीले आफ्नो २० दिवसको अवसर पारेर सिमकोट माथिल्लो बजारमा रहेको कालाशिल्ता मन्दिर तथा त्यस क्षेत्र नजिकै रहेको बाटो, ढल सरसफाइ गरेको सशस्त्र प्रहरी हुम्लाका डिएसपी गेहेन्द्र भण्डारी जानकारी दिए ।

मन्दिर क्षेत्रको सरसफाइ तथा नागरीकलाई सुसुचित गराउने प्रयास स्वरुप उक्त कार्यक्रमको आयोजना गरिएको सशस्त्र प्रहरी हुम्लाका डिएसपी भण्डारीले बताए ।

मन्दिर क्षेत्रमा सहज रुपमा भक्तजनहरुले सहज र सफा बातावरणमा दर्शन गर्न पाउन भन्ने उद्देश्यका साथ आफ्नो दिवसको अवसरमा सशस्त्र प्रहरीले फोहर व्यवस्थापनको कार्य गरेको हो । कालाशिल्ता मन्दिर परिसर सफा सुग्घर बनाउन र फोहोरबाट उत्पन्न हुने संक्रामक रोग लाग्नबाट जोगाउनका लागि सरसफाइको कार्यसँगै ढलमा रहेका फोहोर व्यवस्थापनको कार्य गरिएको सशस्त्र प्रहरी उपरीक्षक भण्डारीले बताए ।

नोभल कोरोना भाईरस संक्रमणको यो परिस्थितीमा सबैले आफु र आफुबसेको गाउँटोल सफा सुगर बनाउन आवश्य रहेको छ ।