मर्मतका लागि एक दिन बिधुत बन्द हुने

मर्मत संहार गर्नु पर्ने भएको भन्दै एक दिनका लागि बिधुत बन्द हुने भएको छ । हिल्दुम खोलाबाट उत्पादीत तथा वितरित हिल्दुम साना जल विधुत आयोजना प्राधिकरण माघ १० गते बन्द हुने भएको हो । दैनिक जसो बिधुत अपुग हुने र चुहावट हुने भएका कारण पुनः मर्मतका लागि बिधुत बन्द हुने भएको छ ।

सदरमुकाम सिमकोट आसपासका गाउँ र खार्पुनाथ गाउँपालिकामा प्रबाह भएको सोही बिधुत एक दिनका लागि बन्द पश्चात नियमित हुन सक्ने हिल्दुम बिधुत वितरण आयोजना कार्यालयका प्रमुख साजन ऐडीले बताए । प्र्रमुख एडीले भने माघ १० गते शनिवार परेकाले सदरमुकाम अवस्थित कार्यालयहरुलाई प्रभाव नपर्ने उदेश्यका साथ हिल्दुम खोलामा रहेको पावरहाउसमा आवद्ध नहर तथा पाईपहरुमा केही मर्मत तथा संहार गर्नु पर्ने भएपछि बिधुत बन्द गर्नु पर्ने भएको हो ।

सोही दिन विहान ८ वजेबाट कम्तिमा पनि दुईदेखि तीन घण्टासम्म मर्मत गर्न लाग्ने भएको ऐडीको भनाई छ । मर्मत भए पश्चात सोहीदिन बेलुका उक्त बिधुत पुनः सञ्चालनमा आउने भएको छ । हाल सदरमुकाम सिमकोटमा दैनिक दिन कम्तिमा ११ घण्टा विधुत लोडसेटिङ् हुँदा सेवाग्राही मर्कामा पर्दै आएका छन् ।