नेपाल पत्रकार महासंघ हुम्ला शाखाको साधारण सभा अनिश्चितकालका लागि स्थगित

नेपाल पत्रकार महासंघ हुम्ला शाखाको साधारण सभा स्थगित भएको छ । पत्रकार महासंघ हुम्ला शाखाको साधारण सभा माघ १७ गते बस्ने भनियता पनि विभिन्न काराणबस स्थगित भएको छ ।

माघ ११ गते जिल्ला शाखाका कार्यबाहक अध्यक्ष मिमसिंह नेपालीको अध्यक्षतामा बसेको बैठकले सनिबार हुम्ला शाखाको साधारण सभा सञ्चालन गर्ने निर्णय गरेको भए पनि पत्रकार महासंघ केन्द्रिय कार्यालयबाट एक जना प्रतिनिधि हुम्लामा सहभागि हुनका लागि नेपालगंजमा रोकिएपछि सभा स्थगित भएको पत्रकार महासंघ हुम्लाका कार्यबाहक अध्यक्ष मिमसिंह नेपालीले बताए ।

नेपालगैजमा बाक्लो हुसु र सिमकोटमा लगातार चलेको हावाहुरीका कारण प्रतिनिधित्व गर्नका लागि पत्रकार महासंघ केन्द्रिय कार्यालयका सचिव लक्ष्मी पुनलाई पठाएको कार्यबाहक अध्यक्ष नेपालीले बताए । महासंघका सचिव पुन उपस्थित हुन नसकेका कारण आजको साधारण सभा स्थगित भएको कार्यबाहक अध्यक्ष नेपालीको भनाई छ ।

सचिव पुन काठमाण्डौबाट आएको तीन दिन भई सक्दा पनि हुसु र हावाका कारण हुम्ला पुग्न नसकेपछि नेपालगञ्जमै रोकिनु परेको महासंघ स्रोतले जनाएको छ । पत्रकार महासंघ हुम्लाका अध्यक्ष अर्जुन बोहरा जिल्ला आइ नपुग्दासम्म उक्त सभा अनिश्चितकालका लागि सारिएको कार्यबाहक अध्यक्ष नेपालीले बताए ।