सहुलियतमा आएको चामल घरेलु मदिरामा प्रयोग हुँदै

सदरमुकाम सिमकोटमा रहेको खाद्य व्यवस्था तथा व्यापार कम्पनी लिमिटेड शाखा कार्यालय हुम्लामा आएको सहुलियतको चामल घरेलु मदिरा बनाउनमा प्रयोग भएको छ । हुम्ला जिललाका अधिकांस गाउँहरुका स्थानीय नागरिकलाई आफ्नै जग्गा जमिनबाट तीन महिना समेत खाना नपुग्ने भए पनि सदरमुकाम सिमकोटमा भने घरेलु मदिरा बनाउने र विक्रि गर्नेको संख्यामा उल्लेखनिय छ ।

पछिललो समय हुम्लामा अतिरिक्त अम्दानीको रुपमा पुग्दै गरेको चामल मदिराको मुख्य स्रोत बन्दै गएको छ । उक्त चामलबाट अवैध घरेलु मदिरा बनउँदा प्रति क्वीन्टलको करीव ३० देखि ४० हजार सम्म आम्दानी हुने गरेको पाइएको छ । केही समय पहिले बजारोन्मुख सिमकोट क्षेत्रमा स्थानीयहरुले पटक पटक अवैध घरेलु मदिरा नियन्त्रण गर्न गराउनका लागि विभिन्न प्रकारका आन्दोलन गरे पनि त्यसको सुनुवाई समेत भएको छैन ।

हुम्लाको खाद्य व्यवस्था तथा व्यापार कम्पनी लिमिटेड शाखा कार्यालयले महंगो भाडा तिरेर ल्याएको सहुलियतको चामललाई स्थानीयले छाक टार्ने बाहानामा किने पनि बास्तवमा अवैध रुपमा मदिरा बनाएर दुरुपयोग गरेको देखिएको छ । त्यस्तै सदरमुकाम आसपासका गाउँ र बजार क्षेत्रमा सरकारले ढुवानी अनुदानमा महंगो भाडा तिरेर आएको चामल अवैध घरेलु मदिराका लागि मुख्य स्रोत बनेको खवर बाहिरिएको छ ।

चामललाई तीन चार पटक विभिन्न प्रकारका घरेलु तथा अन्य उत्प्रेरक वस्तुहरु हालेर रक्सी बनाउने गरेको देखाएको छ । हुम्लामा अवैध मदिरा बनाउँनेको संख्या भने तिव्र रुपमा चलेको छ । सो कार्यलाई सम्वन्धिित निकायले समयमै नियन्त्रणमा दिनु पर्ने देखिएको छ ।