हुम्लामा पनि मनाइयो ६८ औं कुष्ठ रोग दिवस

जिल्ला स्वास्थ्य सेवा कार्यालय हुम्लाले आज ६८ औं कुष्ठ रोग दिवस मनाएको छ । विश्वभर १९५४ बाट मनाउन थालिएको यो दिवस पछिल्लो समय हुम्लामा समेत मनाउन थालिएको हो । आजै कुष्ठ रोग दिवसका अवसरमा जिल्लाका स्वाव्स्थयकर्मी, सरोकारवाला निकाय सँग कुष्ठरोगको निवारण, न्यूनीकरण तथा प्रभावितप्रति हुने भेदभाव लगायतका विषयमा रहेर छलफल गरीएको जिल्ला स्वास्थ्य सेवा कार्यालय हुम्लाले जानकारी दिएको छ ।
यो दिवसको सम्बन्ध जनवरी महिनाको अन्तिम आइतबारसँग जोडिएको छ । किनकि त्यही दिन अहिंसावादी महामानव महात्मा गान्धीको मृत्यु भएको थियो ।

यस वर्ष विश्व कुष्ठरोग दिवसको नारा, कोरोना महामारीमा हाम्रो संयन्ता, कुष्ठ रोग व्यवस्थपनमा सक्रियिता भन्ने रहेको छ । नेपालबाट पनि कुष्ठरोग निवारणको घोषणा गरिएको भए पनि निवारणको स्थितिबाट थप न्यूनीकरणतर्फ उन्मुख हुनु तथा कुष्ठरोगको कारण अपांगता, असहाय तथा विपन्न भएकालाई समुचित व्यवस्थापन गर्दै जानु अहिलेको चुनौती हो ।

कुष्ठरोग बहुऔषधी उपचार विधिबाट निको हुने रोग भएको जिल्ला स्वास्थ्य सेवा कार्यालय हुम्लाका कोल्चेन अशिस्टेन मान बहादुर रोकायाले जानकारी दिए । यसको नियन्त्रण र उल्मूलनतर्फ स्वास्थ्यकर्मी, यससग सम्बद्ध संघसंस्था, समाजसेवी क्रियाशील रहदै आए पनि लक्ष्यमा पुग्न अझै धेरै गर्न बाकी रहेको अशिस्टेन रोकायले बताए । त्यसैले यस रोगलाई हेलचक्राईंको रूपमा नहेरी कार्यक्रम विस्तार गर्दै थप प्रतिफलउन्मुख बनाउन जरुरी रहेको उनले बताए ।