वर्षा नहुँदा गहुँबाली सुक्दै भोकमारीको चिन्तामा

हिमाली जिल्ला हुम्लामा समयमै वर्षा नहुँदा यो वर्ष यहाँका किसानलाई भोकमारीको चिन्ता बढेको छ । मंसिर महिनादेखि वर्षा नहुँदा हुम्लामा आकाशे पानीको भरमा खेती गर्ने स्थानमा भोकमारीको सम्भावना देखिएको हो । यो वर्ष अहिलेसम्म वर्षा भएको छैन १० मुरी गहुँ फल्ने जमिन छरेको गहुँ, जौ उम्रेको छैन । यसपालि त भोकमरी हुन्छकि भन्ने चिन्ता लागिसक्यो भनेर’ अदानचुली गाउँपालिकाका स्थानीय किसानहरुले गुनासो गर्दै आएका छन् ।

यता जहिले वर्षा होला र खेत जोतेर गहुँ छरौला सोचेर केही कृशकहरु अन्योलमा परेका छन । वर्षा नहुँदा खेतसमेत बाँझै रहेको र केही खेतमा गहुँ लगाएको भए पनि गहुँ सुक्दै गएको बताएका छन ।

यस वर्ष गहुँ बाली लगायत अन्य बालीहरु पानी नपर्दा सुक्दै गएपछि आफूहरु चिन्तित बनेको बताउदै आएका छन । गहुँ जहु उवा लगाएको ठाउँमा उम्रिएको छैन, उम्रेको पनि सिँचाइको व्यवस्ता नहुँदा सुकेर गएको स्थानिय कृषकहरुको भनाई रहेको छ ।

जिल्लाको अदानचुली गाउँपालिकामा अथाह जमिनमा गहुँबाली उत्पादन हुन गरो रहेको जनाईएको छ । अदानचुली गाउँपालिकाका कृषक अर्जुन बुढाले भने, “अघिल्ला वर्षहरूमा यतिबेला खेतबारी हराभरा देखिन्थ्यो तर यो वर्ष भने समयमै पानी नपरेकाले जताततै खेतबारी उजाड देखिन्छन् ।
विश्वव्यापी रुपमा फैलिएको कोरोना महामारीका कारण भारत गएर ज्याला मजदुरी गरि खानेहरू पनि गाउँघरमा फर्किए र गाउँघरमै खेती किसानी गर्न थाले तर समयमै पानी परेन गरि खाने वर्गका लागि अहिले धेरै ठूलो संकट परेको स्थानीय बुढाले बताए ।

खेतबारीमा हेर्ने हो भने पूरै खेतबारी सुक्खा रहेको उनको भनाई छ । साथै हिमाली जिल्ला हुम्लामा अरू जिल्लाभन्दा बाँझो जमिन छोड्ने प्रचलन कम रहेको छ र यस क्षेत्रका नागरिकहरु खाध्य व्यवस्था तथा व्यापार कम्पनी लिमिटेडको भरमा पर्नु पर्ने गरेका छन् ।