हुम्लामा २६ औँ सहिद दिवस विविध कार्यक्रम गरि मनाइयाे

२६ औँ महान जनयुद्ध दिवसको अवसरमा सहिद परिवारलाई स्वागत तथा सम्मान गरि मनाइएकाे छ । सिमकोट गाउँपालिका वडा नम्वर ७ को डाँडाफयामा आज २६ औँ जनयुद्धको अवसर पारि सहिद घरपरिवाराई नेपाल कम्युनिष्ट पार्टि नेकपा गाउँ कमिटिले स्वागत तथा सम्मान कार्यक्रम सञ्चालन गरेको छ । कैलाश मावि डाँडाफयाको पुरानो भवनको खेल मैदानमा आज एक कार्यक्रमका विच सहिद परिवारका आफन्तहरुलाई स्वागत तथा सम्मान गरि सो कार्यक्रम मनाएको डाँडाफयाबाट सञ्चारकर्मी मन्दिर सिंहले बताए ।

०६२।६३ को जन आन्दोलनका क्रममा सहिद भएका डाँडाफया गाउँका दत्त बहादुर शाहीका बुवा बल बहादुर शाही, बासुदेव शाहीका दाई अजय बहादुर शाही, रमला शाहीका छोरा अमराज शाही र बाँच विकका अंकल गणेश विकलाई नेकपा गाउँ कमिटिले फुलमाला र अविर लगाई भव्य रुपमा स्वागत तथा सम्मान गरिएको छ । सिंहका अनुसार सोही अवसर पारि उक्त खेल मैदानमा आजै पुरुष र महिला विचको देउडा खेल सञ्चालन गरिएको हो । जन आन्दोलनमा घटेका घटनालाई समेटेर सो देउडा खेल सञ्चालन गरिएको हो ।

उक्त डाँडाफयामा नेकपा गाउँ कमिटिद्धारा दलित समुदायका महिला खेलाडीहरुलाई ५ हजार रुपैयाँ पुरुषकार दिएर सम्मान गरिएको थियो ।
सो कार्यक्रम नेकपा गाउँ कमिटिका सह इन्चार्ज ध्वोज बहादुर शाहीको अध्यक्षता र निर्वाचन क्षेत्र नम्वर ख का अध्यक्ष महेन्द्र बहादुर शाहीको प्रमुख आतिथ्यमा सञ्चालन भएको हो ।

त्यस्तै दिवसको अवसरमा हुम्ला जिल्लाको ताँजाको र अदानचुली गाउँपालिकामा पनि भव्यरुपमा कार्यक्रम संचालन गरेको मादप, प्रचण्ड समुहका खार्पुनाथ गाउँपालिका संयोजक प्रकास बहादुर शाहीले बताए । सोही कार्यक्रममा १३ जना सहित परिवारलाई दोसल्ला ओढाइ सम्मान गरिएको संयोजक शाहीले बताए ।

ताँजाकोटको कार्यक्रममा विभिन्न संस्कृतिक कार्यक्रमहरु पनि संचालन भएका थिए । त्यसै गरि माधब प्रचण्ड नेतृत्वको नेपाल कम्युनिष्ट पार्टीले अदानचुली गाउँ कमिटिले २६ औँ जनयुद्ध दिवस मनाएका छन् । नेकपाका केन्द्रीय सदस्य तथा कर्णाली प्रदेश सरकारका अर्थ मन्त्री प्रकास ज्वालाको प्रमुख आतिथ्यमा अहिले साबिकको श्रीनगरमा रहेको श्रीनगर स्वास्थ्य चौकीको प्राङ्गणमा भएको हो । कार्यक्रममा प्रदेश कमिटिका सदस्य हस्त बहादुर शाही र छिरिङ् दम्डोल लामा (कार्चेन)को उपस्थीती रहेको थियो ।