जिल्ला अस्पताल हुम्लामा दोस्रो चरणको खोप अभियान सुरु

हुम्लामा कोभिड–१९ विरुद्धको ‘कोभिशिल्ड’ को दास्रो चरणको खोप लगाउने कार्य फागुन २ गतेबाट सुरुवाती गरिएको छ । दोस्रो चरणको पहिलो दिन स्वास्थ्य सेवा कार्यालय आयुर्वेद शाखाका प्रमुख कृष्ण चन्द जोसि सहित ७७ जना स्वास्थ्यकर्मी, सुरक्षाकर्मी, निजामति कर्मचारी, एनजियो तथा आईएनजियोमा कार्यरत कर्मचारी र पत्रकारहरुलाई खोप लगाइएको छ ।

सरकारले दोस्रो चरणमा कोरोना खोप पत्रकार र कुटनीतिक नियोगका कर्मचारी लगायत कोभिड १९ महामारी विरुद्धको लडाइँमा अग्रभागमा खटिएकाहरुलाई लगाउने निर्णय गरेपछि हुम्लामा फागुन २ गतेदेखि दोस्रो चरणको खोप सञ्चालन गरेको स्वास्थ्य सेवा कार्यालय हुम्लाका निमित्त कार्यालय प्रमुख नन्द बहादुर शाहीले बताए ।

आइतबार सञ्चालन भएको खोप अभियानमा स्वाथ्यकर्मी मध्ये पूरुष चार महिला छ, जिल्लामा स्थापित एनजियो तथा आईएनजियो लगायत बैँकका कर्मचारी मधये पूरुष १६ महिला आठ, जनप्रतिनिधिमा पाँच पुरुष र एक जना महिलालाई सो खोप लगाईएको छ भने निजामती कर्मचारीमा १३ जना, नेपाल प्रहरी (जनपद) का १५, ससस्त्र प्रहरीका छ जना, एक जना नेपाली सेना, दुई जना पत्रकार गरेर ७७ जनाले उक्त खोप लगाएका छन् ।

सरकारले कोभिड–१९ विरुद्धको दोस्रो चरणको खोप अभियान पत्रकार र कुटनीतिक नियोगका कर्मचारीलाई लगाउने भनिएता पनि हुम्लामा अग्रगामी रुपमा खटिने सम्पुर्ण कर्मचारीहरुलाई सो खोप लगाउने गरिएको छ । देश भरि फ्रन्टलाइनमा खट्ने पत्रकार र कुटनीतिक नियोगका कर्मचारीलाई खोप लगाउन सुरु गरिएको जिल्ला अस्पताल हुम्लाका डाक्टर नविन रोकायाले बताए । हुमलामा बाँकी सम्र्पुण व्यक्तिहरुलाई फागुन ७ गतेसम्म सो खोप लगाई सक्नु पर्ने डाक्टर रोकायाको भनाई छ ।