निर्वाचन आचार संहितामा जिल्लाका सरोकारवाला निकायसंग सुझाब संकलन

जिल्ला निर्वाचन कार्यालय हुम्लाले आगामी २०७८ वैशाख १७ र २७ गते हुने निर्वाचनका लागि आयोगले तयार पारेको निर्वाचन आचार संहितामा जिल्लाका सरोकारवाला निकायसंग सुझाब संकलन गरेको छ । आयोगले तयार पारेको आचार संहिताको ड्राफ्टमाथि जिल्लाबाट सुझाव लिने कार्य गरेको हो ।

आयोगबाट तयार भएर आएको आचार संहिताका बारेमा जिल्ला निर्वाचन अधिकारी ओम प्रकास महतोले स्पस्ट पारेका थिए । तयार आचार संहिताको मुख्य लक्ष स्वतन्त्र, स्वच्छ, निष्पक्ष, विस्वसनीय, मितव्ययी निर्वाचन मार्फत नागरिकलाई मताधिकारको निर्वाध उपभोग गर्ने अवसर प्रदान गरि लोकतन्त्रको सुदृढिकरण र सुशासनमा योगदान पुर्याउनु पर्ने उल्लेख गरिएको छ ।

छलफलमा महतोले आचार संहिता किन, आचार संहिता लागु हुने निकाय र व्यक्ति, सवैले पालन गर्नु पर्ने आचरण, आचार संहिता लागू भएपछि गर्न हुने र नहुने कार्य, राजनीति दल र उम्मेदवार तथा दलको भातृ संगठनले पालन गर्नु पर्ने आचरण, सञ्चार माध्यम प्रयोग गर्दा पालन गर्नु पर्ने कुरा, निर्वाचन खर्चको आचरण, मतदानको दिन पालन गर्नु पर्ने आचरण लगाएतका विषयमा जानकारी गरेका थिए ।

छलफलमा सहभागीहरुले आचार संहिता पालन गर्नेमा सामाजिक संस्थालाई पनि समेट्नु पर्ने, हेलिकोप्टर प्रयोग गर्दा हिमाली जिल्लामा दरमा भिन्नता हुनु पर्ने र निर्वाचनको अनुगमन गर्ने निकायको एकिन गर्नुपर्ने सुझाव दिएका थिए । यी निर्वाचन अधिकारी महतोले छलफलमा सहभागीबाट आएका सुझावलाई आयोगमा पठाउने भएको छ ।