चार दिनदेखि विधुत अवरुद्ध भएपछि स्थानीय अन्धकारमा बस्न बाध्य

चार दिनदेखि विधुत अवरुद्ध भएपछि स्थानीय अन्धकारमा बस्न बाध्य भएका छन् । सिमकोट गाउँपालिका वडा नम्वर ८ को स्याँडा गाउँमा फागुन ४ गतेदेखि विधुत बन्द हुँदा स्थानीय अन्धकारमा बस्न बाध्य भएका हुन् ।

स्याँडा गाउँको गाड घट्टे जल विधुत आयोजनामा रहेको प्लोथिन पाइप लिक भएपछि सोही दिनदेखि ३ सय घरदुरीका स्थानीयहरु प्रभावित भएको विधुत अप्रेटर रुप बहादुर बुढाले जानकारी दिए ।

विगत २०६४ सालदेखि स्थापना र सञ्चालन हुँदै आएको विधुत हाल बन्द भएपछि स्याँडाका स्थानीय सल्लाको दियालो बाल्दै आएको अप्रेटर बुढाले बताए । विशेष गरि हुम्ला जिल्लामा यो वर्ष हिमपातको कमीका कारण खोला नालाका मुहानहरु सुक्न थालेपछि जिल्लाका विभिन्न ठाउँका जल विधुत आयोजनाहरु बन्द हुने थालेका छन् ।

सो विधुत २०६४ सालदेखि सञ्चालन भएको भए पनि त्यती प्रभाव कारी रुपमा प्रसारण नभएकै पुनः बन्द भई सकेको स्थानीयको भनाई छ ।
स्याँडा गाउँका सवै स्थानीयले विधुतका पाईप मर्मतका लागि अव छिट्टै पहल गर्नु पर्ने आवश्यक भएको स्थानीय उत्तम बुढाले बताए ।