हुम्लामा पहिलो पटक फुटबल लिंग प्रतियोगिता सञ्चालन हुँदै

हुम्ला जिल्लामा पहिलो पटक फुटबल लिंग प्रतियोगिता सञ्चालन हुने भएको छ । हुम्ला फटबल ऐकेडेमीको आयोजनामा आगामी चैत महिनामा उक्त लिग फुटबल प्रतियोगिता हुने भएको हो । हुम्ला फुटबल एकेडेमीले प्रदेश फुटबल लिगको तयारीका साथै सर्वाधिक पुरस्कार राशीको जिल्ला लिग फुटबल प्रतियोगिता आउँदा चैत महिनामा आयोजना गर्न लागेको ऐकेडेमीका अध्यक्ष बिष्णु रावतले जानकारी दिए ।

जिल्लाका नयाँ दर्ता हुन चाहने तथा दर्ता भई सकेका पुराना क्लबहरुलाई प्रक्रिया पुरा गर्दै लिगको तयारी शुरु गर्न समेत अध्यक्ष रावतले अनुरोधगरेका छन् । लिगमा ६ टोली मात्र समावेश गरिने हुँदा दर्ता भएका क्लबहरु बिच नकआउट प्रतियोगिता संचालन गरि त्यसबाट छनौट भएका क्लबहरु बिच लिग प्रतियोगिता संचालन गरिने भएको छ ।

पुराना तथा नयाँ क्लबहरुले उपरोक्त ३ वटा प्रक्रियाहरु पुरा गरि यहि आउँदो फाल्गुण १० गते देखि २५ गतेसम्म हुम्ला फुटबल एकेडेमीको कार्यालयमा आफ्नो क्लव दर्ता गराई सक्नु पर्ने भएको र सोही मितिदेखि दर्ता हुन आएका क्लबहरुलाई प्रतियोगितामा समावेश नगरिने अध्यक्ष रावतको भनाई छ । लिगमा प्रथम स्थान प्राप्त गर्ने क्लबले पुरस्कार स्वरुप ७५ हजार नगद सहित, मेडल तथा प्रमाणपत्र प्राप्त गर्नेछ र प्रदेश फुटबल लिगमा भाग लिन समेत पाउने भएका छ ।

त्यसैगरि लिगमा द्धितिय स्थान प्राप्त गर्ने क्लबले पुरस्कार स्वरुप ४० हजार नगद सहित, मेडल तथा प्रमाणपत्र प्राप्त गर्ने भएको छ । सर्वोत्कृष्ठ गोलकिपर, डिफेण्डर, मिडफिल्ढर, स्ट्राईकर तथा सर्वाधिक गोलकर्तालाई विशेष पुरस्कारद्धारा सम्मानित गरिने अध्यक्ष रावतले जानकारी गराएका छन् ।