ओखरेन सामुदायिक वनमा लागेको आगो तीन दिनपछि नियन्त्रण

अज्ञात समूहद्धारा लगाएको आगो तीन दिनपछि नियन्त्रणमा आएको छ । सिमकोट गाउँपालिका अन्र्तगत वार्ड नम्वर ७ डाँडाफयामा रहेको ओखरेन सामुदायिक वनमा लागेको आगो तीन दिनको नियमित प्रयास पछि सोमवार विहान नियन्त्रणमा आएको छ ।

आगो नियन्त्रण ओखरेन सामुदायिक वन उपभोक्ता समितिको पहलमा गाउँका युवाहरुले नियन्त्रणमा लिन सफल भएको ओखरेन सामुदायिक वन उपभोक्त समितका सचिव हरि बहादुर शाहीले बताए ।

फागुन ८ गते दिउसो १२ वजेदेखि सो वनमा आगो लागेको भन्ने जानकारी आएपछि सोही सामुदायिक वन उपभोक्ता समितिका अध्यक्ष मन्दिर सिंहको अध्यक्षतामा बसेको आपतकालीन बैठकले उक्त आगो नियन्त्रणमा लिने निर्णय गरेको थियो । सचिव शाहीका अनुसार वनमा आगो लागेपछि सोही ठाउँका ६० जना युवा समूहले आगो नियन्त्रणमा लिएको हो ।

तीन दिनको नियमित प्रयासले गर्दा अन्य पशुवस्तु र मानविय क्षती भने भएन् । उक्त वनमा आगो लगाउने व्यक्तिको खोजि कार्य भैरहेको र सो व्यक्ति भेटाएमा वन ऐन नियम अनुसार कार्वाहीको प्रकृया बढाउने वन उपभोक्त समितिका अध्यक्ष मन्दिर सिंहको भनाई छ ।