हुम्लाका कृषकहरुको मुख्य आम्दानीको स्रोत तरकारी

हिमाली जिल्ला हुम्लाका अधिकांस कृषकहरुको मुख्य आम्दानीको स्रोत तरकारी बनेको छ । जिल्लामा वेमौसमि तरकारी उत्पानका लागि अधिकांस कृषकहरु तरकारी उत्पान गर्न तर्फ आक्रसित भएका छन् । हिउँदको समयमा वेमौसमि खेती गरेर तरकारी उत्पादन गरि विक्रि गर्दै आम्दानीको मुख्ये स्रोत भनेको तरकारी बनेको छ ।

तरकारी उत्पादन गर्दा धेरै परिश्रम पनि गर्नु नपर्ने र विक्रि पनि नियमित हुने भएपछि जिल्लाका अधिकांस कृषकहरु त्यस तर्फ जुटेका छन् । यहाँका सिमकोट, खार्पुनाथ, सर्केगाड, नाम्खा, चंखेलि, अदानचुली र ताँजाकोट गाउँपालिकाका कृषकहरु वेमौसमि तरकारीबाट घर खर्च गर्न समेत सहज भएको बताउने गरेका छन् ।

यो समयमा सिमकोट गाउँपालिका वार्ड नम्वर ४ हेल्दुङ गाउँका ३० घरदुरी वेमौसमि तरकारीबाट मनग्य आम्दानी गर्न सफल भएको स्थानीय कृषक गगन शाहीले बताए । उनले भने हिउँदको समयमा घरमा त्यतीकै बस्नु भन्दा समयको सदुपयोग पनि हुने र बालबालिकाको कापि कलम घर परिवारलाई खाद्यान्नको पनि जुगाड गर्न सजिलो हनका लागि यो पेशालाई सौभाग्यको रुपमा लिने गरेको छ ।

हिउँदको समयमा वेमौसमि तरकारी बोकेर सदरमुकाम सिमकोट पुराउँदा एक मुठा सागको ३० रुपैयाँ र धनियाँको २० रुपैयाँमा विक्रि गर्ने गरेको स्थानीय कृषक शाहीले बताए । उनका अनुसार आफुले आफ्नो घरमा वेमौसमि तरकारीका लागि ग्रिनहाउस हालेर बाक्लो तरकारी फलाउने गरेको छु । यसबाट महिनाको करीव ७ हजार सम्म भेटाउने गर्दछ । जस्मा घरका परिवारलाई आम्दानीको राम्रो स्रोत बनेको छ ।

हुम्ला जिल्लाको सदरमुकाम सिमकोट आसपासका गाउँहरुमा मौसमि तथा वेमौसमि तरकारी खेती गर्दा आम्दानीको राम्रो स्रोत बने पनि सदरमुकाम बाहिरका अधिकांस गाउँपालिकाहरुका स्थानीय कृषकहरुलाई भने उत्पान गरेको तरकारी विक्रिका लागि बजार नपाउँदा समस्या भउको स्थानीयले बताएका छन् ।

हालसम्म हुम्ला जिल्ला सडक सञ्जालले नछोएको हुँदा बजार नजिकका स्थानीय कृषकहरु डोकामा साग बोकेर सदरमुकाम सिमकोट पग्ने गरेका छन भने अन्य गाउँपालिकाका स्थानीयले उत्पादन गरेको साग आफैले उपभोग गर्दै आएको स्थानीय कृषकहरुको भनाई छ ।