नेपाल सरकार भूमि सम्बन्धी समस्या समाधान आयोगको कार्यालय उद्घाटन

नेपाल सरकार भूमि सम्बन्धी समस्या समाधान आयोगको कार्यालय उद्घाटन गरिएको छ । हुम्लामा भूमि सम्बन्धी समस्या समाधान आयोगको कार्यालय आजबाट स्थापना भएको हो । आज एक कार्यक्रमका विच सो कार्यालयको उद्घाटन भएको भूमि सम्बन्धी समस्या समाधान आयोगका विज्ञ सदस्य बुध भण्डारीले बताए ।

हुम्ला जिल्लामा पहिलो पटक भूमि सम्बन्धी समस्या समाधान आयोगको कार्यालय स्थापना हुनु नागरिकका लागि सौभाग्य हो सदस्य भण्डारीले भने ।
भूमि सम्वन्धि जुन आयोगका सदस्यहरुले जिल्लामा रहेका निमुखा, गरिव जसलाई गास छैन, जस्को वास छैन, त्यस्ता व्यक्तिहरुलाई नियम कानूनका आधारमा भूमि व्यवस्था गराउनु पर्ने सुझाव जिल्ला समन्वय समितिका प्रमुख दान बहादुर रावतले बताए ।

हुम्लामा स्थापना भएको आयोग कमिटिले राजनितिक आस्था विचारका आधारमा, चिनजानका आधारमा, नजिक टाढाका आधारमा कुनै किसिमको भेदभाव नराखि आफ्नो टिमले सम्मान व्यवहारले काम गर्ने नेपाल सरकार भूमि सम्बन्धी समस्या समाधान आयोगका अध्यक्ष प्रकास सुनारले प्रतिवद्धता जनाए । उनले भने सरकारको निति नियम र कानुनको आधारमा रही हुम्लाका भूमिहिन सुकुम्बासीको व्यवस्थापनका लागि यक्यवद्धता भएर लागि पर्ने छौँ ।

उक्त भूमि सम्बन्धी समस्या समाधान आयोगले जिल्लाका दलित भूमिहिन सुकुम्बासी, भूमिहिन सुकुम्बासी र अव्यवस्थीत बसोबास गर्दै आएका नागरिकहरुको वकालत गर्ने भएको छ ।
त्यस्तै भूमिहिन सुकुम्बासीहरुको आवश्यक्ता अनुसार बास र उपभोग जमिनको व्यवस्थापन गर्ने सो आयोगको मुख्य उदेश्य रहेको अध्यक्ष सुनारको भनाई छ ।