हुम्लामा हिमपात, हवाई उडान अवरुद्ध

उच्च हिमाली जिल्ला हुम्लामा लामो समयपछि सोमबार विहानबाट निरन्तर हिमपातभएको छ । विगतका वर्षमा भारी हिमपात हुने हुम्लामा यो वर्ष कमै मात्र हिमपात भएको छ ।

आइतबार विहानबाट जिल्लामा बाक्लो बादल लागेसँगै आज विहान सातबजे देखि निरन्तर हिमपात भएपनि हिउँ जम्न नपाउँदै पग्लदै गएको छ । उत्तरी नाम्खा गाउँपालिका सहित सिमकोट गाउँपालिकाको उच्च हिमाली क्षेत्रमा विहानै देखिको हिमपातले हिमाल सेताम्ये देखिएका छन् भने जिल्लाको तल्लो होचो क्षेत्रमा पानी परिरहेको यहाँका स्थानीयले बताउने गरेका छन् ।

जिल्लाको माथिल्लो भेगमा हिमपातभएपनि तल्लो भेगमा पानी परिहेको स्थानीय शंकर रावलले जानकारी दिनुभयो । पुस,माघमा सोचे जस्तो हिमपात नभएपनि फागुनको अन्तिम समयमा आएर हिमपात हुँदा चिसो निकै बढेको रावलले बताउनुभयो । विहानै देखि हिमपात हुँदा जिलला सदरमुकाम सिमकोटको जनजिवन चिसोले कष्टकर बनेको छ । फागुनमा हिमपात हुँदा चापक्रम माइनसमा झरेर चिसो अत्याधिक बढेर यहाँका स्थानीयले बाक्लो कपडा लगाउनुका साथै न्यानो भएर बसेका छन् ।

अग्लो स्थानमा हिमपात धेरै भएको छ । बिहानै देखि जिल्लाको तापक्रम माइनसमा झरेको छ । मानिसहरु हिउँमा खेल्नका लागि घर बाहिर निस्कन थालेका छन् । यो वर्ष गतिलोसँग हिमपात नभएपछि चिन्तामा रहेका किसानहरु भने खुसी देखिएका छन् । खडेरी परेका बेला हिमपात भएको हो । विहानै देखि परेको हिमपातले कात्र्तिके बालिनालीका लागी राम्रो हुनेर्भको छ । यो पटक परेको हिमपातले खनजोत गर्न किसानलाई सजिलो हुनेभएएको छ ।

हिमपात रोकिए लगत्तै यहाँका किसानले अब खेतबारीमा कात्र्तिकमा उब्जनी हुने बाली कोदो, फापर, सिमी लगायतको बाली लगाउने भएका छन् । यो हिमपात यो वर्षको चौथो हिमपात भए पनि भारी हिमपात हुन सकेको थिएन ।

हवाइ उडान अवरुद्ध

आज विहानै देखि निरन्तर हिमपात हुँदा अन्तर जिल्ला जोड्ने एकमात्रै साधन हवाई यातायात अवरुद्ध भएको छ । हवाई उडान अवरुद्ध हुँदा नेपालगञ्ज र सुर्खेतबाट हवाई उडान सञ्चालन हुन नसकेको हो । उडान अवरुद्ध हुँदा सिमकोटमा व्यवसायि गर्ने पसलेका सामान, निर्माण व्यवसायिका सामाग्रि ढुवानी ढप्प रहेको सिमकोट विमानस्थल श्रोतले जानकारी दिएको छ । जिल्ला बाहिर जाने र जिल्ला भित्रने यात्रु हिमपातका कारण यतै रोकिएका छन् ।