हिउँमा एक सय ११ औं अन्तराष्ट्रिय महिला दिवस

हुम्लाको सदरमुकाम सिमकोटमा रहेको सिमकोट गाउँपालिका सहित जिल्लाका अधिकांस गाउँपालिकाले आज अन्तर्राष्ट्रिय महिला दिवस विविध कार्यक्रम गरी मनाएका छन् । आज विहानै देखि परेको निरन्तर हिमपातमा यहाँका महिलाले बजार परिक्रमा गरेर एक सय ११ औं अन्तरािष्ट्रय महिला दिवस मनाएका छन् । सिमकोट गाउँपालिका वडा एक देखि आठ सम्मका महिला सहित नेपाल प्रहरीमा कार्यत्ररत महिला सुरक्षाकर्मीको समेत सहभागीता रहेको थियो ।

‘महिलाको सुरक्षा, सम्मान र रोजगारः समृद्ध नेपालको आधार’ भन्ने नाराका साथ आज अन्तर्राष्ट्रिय महिला दिवस मनाइएको छ । आज महिला दिवसको अवसरमा सिमकोट गाउँपालिकाले जिल्ला समन्वय समितीको सभाहलमा देउडा प्रतियोगिता कार्यक्रम गरेर नमाएको छ । वडा एक देखि आठ वटा वडाका महिलाहरुको सहभागितामा यो दिवस मनाएको सिमकोट गाउँपालिकाले जानकारी दिएको छ । विहान देखिको निरन्तर हिमपातमा गाउँबाट महिलाहरु सिमकोट पुगेर आफ्नो महिला दिवसमा सहभागिता जनाएका छन् ।

हिमपात सँगैको चिसोमा यहाका महिलाले गाउँपालिकाले आयोजना गरेको देउडा प्रतियोगितामा महिला हिंसा, छुवाछुत, जातिय भेदभाव, बालविवाह न्युनिकरण गर्ने समम्बन्धि जनचेतना मुलक गित मार्फत आफ्नो प्रस्तुति देखाएका छन् । अन्तराष्ट्रिय महिला दिवस कार्यक्रममा नेपाल प्रहरीका महिला प्रहरीको समेत सहभागीता रहेको थियो ।

आजै भएको देउडा प्रतियोगितामा प्रथम वडा एक ठेहे, दोस्रो वडा पाँच, तेस्रो वडा ६ र शान्तनामा वडा दुई ठेहे रहेको जानकारी प्राप्तभएको छ । यो दिवसको अवसरमा क्रमश प्रथम,दोस्रो,तेस्रो र सान्तना हुनेलाई रु पाँच हजार,चार हजार, तीन हजार र दुई हजार पुरस्कार समेत प्रदान गरीएको छ । यस्तै अन्य सहभागी महिला टिमलाई दुई दुई हजारका दरले प्रदान गरीएको सिमकोट गाउँपालिकाले जानकारी दिएको छ । गाउँपालिका अधयक्ष्र लामाको अध्यक्षतामा र जिल्ला समन्वय समितीका प्रमुख दान बहादुर रावतको प्रमुख आथित्यमा र गाउँपालिका उपाध्यक्ष बली रावतको विषेश आथित्यामा कार्यक्रम सम्पन्न भएको छ ।

हरेक वर्ष मार्च ८ तारिखका दिन यो दिवस मनाउने गरिन्छ । नारी मुक्ति आन्दोलनकी अभियन्ता क्लारा जेट्किनले सन् १९११ मार्च ८ मा महिला कामदारमाथि भएको श्रम शोषणविरुद्ध आवाज उठाएको दिनको स्मरणमा विश्वभर महिला दिवस मनाउने प्रचलन छ ।

क्लारा जेट्किनले सन् १९१० मा कोपेनहेगेनमा आयोजित महिलाहरुको द्वितीय अन्तर्राष्ट्रिय सम्मेलनमा ८ मार्चलाई अन्तर्राष्ट्रिय श्रमिक महिला दिवसको रूपमा प्रस्ताव गरेकी थिइन् । जसलाई सम्मेलनले पारित गरेको थियो । जसअनुसार सन् १९११ देखि महिला दिवस मनाउन थालिएको हो ।

नेपालको संविधानले लैङ्गिक समानताको प्रत्याभूति गर्न महत्वपूर्ण प्रावधानको व्यवस्था गरेको छ । यसबाट महिलाप्रति हुने हिंसा र विभेद हटाउन ठूलो मद्दत पुगेको छ ।