लक्षित वर्गलाई कुखुरा वितरण

खार्पुनाथ गाउँपालिका पशु सेवा शखाद्धारा दलित बस्तिलाई कुखुरा वितरण गरिएको छ । खार्पुनाथ गाउँपालिका वडा नम्वर १ को प्यूस गाउँमा रहेका दलित बस्तिहरुलाई कुखुरा वितरण गरेको हो । खार्पुनाथ गाउँपालिका अन्तरगत पशु सेवा शाखा कार्यालयले कृषि पाठशालाका लागि दलितहरुको उन्नती होस भन्ने उदेश्यका साथ कुखुरा वितरण गरिएको छ ।

सोही वडाका ३१ घरधुरीलाई प्रति घर तीन जोडिका दरले ग्रिराज जातका कुखुरा वितरण गरिएको खार्पुनाथ गाउँपालिका पशु सेवा शाखाका निमित्त प्रमुख चिन बहादुर शाहीले बताए । उनिहरुको व्यवसायीको लागि एक मात्र कुखुरा आधार बनोस भन्दै खार्पुनाथ पशु सेवा शाखाले उक्त कुखुरा वितरण गरेको शाहीले बताए ।

शाहीका अनुसार सो कुखुरा प्रगति फिटिंग एण्ड पोल्टी प्रालि खजुरा ३ बाँकेबाट फगुन २६ गते मगाई सोही दिन वितरण गरिएको थियो ।
हुम्लाको खार्पुनाथ गाउँपालिका पुगेका ३ सय ५० कुखुरा मध्य २ सय ७५ वटा कुखुरा वितरण गरिएको थियो, भने बाँकी ७५ वटा कुखुरा मरि सकेको शाखाका निमित्त कार्यालय प्रमुख शाहीले बताए ।

उनले भने वितरण गरिएका सवै कुखुराहरु लक्षित वर्गका व्यक्तिहरुलाई मात्रै वितरण गरिएको हो । ग्रिराज जातीका कुखुराले साढे दुई महिनामै अण्डा उत्पादन गरेर चल्ला जन्माउने गरेको प्रमुख शाहीको भनाई छ ।