फरक क्षमता भएका विद्यार्थीहरुलाई शैक्षिक सामग्रि सहयोग 

गुड नेभर्स इन्टरनेस्नल नेपाल हुम्लाद्धारा शैक्षिक सामग्रि सहयोग गरिएको छ । सिमकोट गाउँपालिका वार्ड नम्वर ५ को तल्लो बजारमा रहेको हिमाली बहिरा तथा बौद्धिक अपाङगता आवसिय विद्यालयका विद्यार्थीहरुलाई सो संस्थाद्धारा शैक्षिक सामग्रि हस्तान्त्रण गरिएको हो ।

गुड नेभर्स नेपाल हुम्लाको ३० औँ स्थापना दिवसको उपलक्ष्यमा शैक्षिक सामग्रि हस्तान्त्रण गरिएको गुड नेभर्स नेपाल हुम्लाका कार्यालय प्रमुख विरेन्द्र चौधरीले बताए । सोही विद्यालयका फरक क्षमता भएका ३३ जना विद्यार्थीहरुलाई केही राहत होस भन्ने उदेश्यका साथ शैक्षिक सामग्रि वितरण गरिएको प्रमुख चौधरीको भनाई छ ।

चैत १५ गते विहान ८ वजे हिमाली बहिरा तथा बौद्धिक अपाङगता विद्यालयकै प्रङगाडमा एक कार्यक्रमका विच सो सामग्रि सहयोग गरिएको थियो ।
प्रमुख चौधरीका अनुसार प्रति विद्याथी १० वटा कपी र दुई वटा कलम समेत सहयो गरिएको प्रमुख थियो । शैक्षिक सामग्रि हस्तान्त्रण कार्यक्रम सिमकोट गाउँपालिका वार्ड नम्वर ५ का वडा अध्यक्ष कृष्न बहादुर बोहराको अध्यक्षतामा वितरण गरिएको हो ।

गुड नेभर्स इन्टर नेस्नल नेपाल हुम्लाले आफ्नो स्थापना दिवसको अवसर पारी फरक क्षमता भएका विद्यार्थीहरुलाई पठनपाठनमा सहज होस भन्ने उदेश्यका साथ सो सामग्रि सहयोग गरिएको प्रमुख चौधरीले बताएका छन् ।