लिमिटेट हुम्ला शाखाका लागि ७ हजार क्वीन्टल खाद्यान्न स्वीकृत

खाद्य व्यवस्था तथा व्यपार कम्पनि लिमिटेट हुम्ला शाखाका लागि ७ हजार क्वीन्टल खाद्यान्न स्वीकृत भएको छ । हुम्ला जिल्ला शाखा कार्यालयद्धारा माग गरे अनुसार सो खाद्यान्न स्वीकृत भएको खाद्य व्यवस्था तथा व्यपार कम्पनि लिमिटेट हुम्ला शाखाका नायव सुव्बा भरत अधिकारीले बताए ।

सुव्बा अधिकारीका अनुसार आर्थिक वर्ष २०७७।७८ का लागि खाद्य व्यवस्था तथा व्यपार कम्पनि लिमिटेट हुम्ला शाखाले गत फागुन २६ गते खाद्य व्यवस्था तथा व्यपार कन्पनि लिमिटेट बिक्रि वितरण विभाग प्रधान कार्यालय काठमाण्डौँमा अनुरोध गरेपछि सो खाद्यान्न स्वीकृत भएकाे हो ।

“उनले भने” शाखा कार्यालय सिमकोटका लागि केन्द्रलाई १४ हजार क्वीन्टल खाद्यान्न माग गरे पनि चैत २६ गते केन्द्रको परिपत्र अनुसार जम्मा ७ हजार क्वीन्टल मात्रै स्वीकृत भएको छ । तर विगतका वर्षहरु भन्दा यतिवेला अहिले सम्मकै पहिलो पटक धेरै खाद्यान्न स्वीकृत भएको उनको भनाई छ ।
सो खाद्यान्न स्वीकृत भएको परिपत्र शाखामा उपलव्ध भई सकेको छ । स्वीकृत भएको खाद्यान्न सुर्खेतबाट ढुवानी हुने सुव्बा अधिकारीले बताए । माग अनुसार स्वीकृत भएको खाद्यान्न सिता एयरले ढुवानी गर्ने भएको छ ।

ढुवानीका लागि सिता एयरलाई जानकारी गरि सकेको र अवको केही दिनदेखि नियमित रुपमा सो खाद्यान्न ढुवानी गर्ने भएको सिता एयरका सिमकोट स्टेशनका सहायक इन्चार्ज सुर्य लामाले बताए ।
हुम्लामा खाद्यान्नका लागि हानथाप र जहिले पनि समस्या हुन्थ्यो, तर याे वर्ष भने खासै त्यती समस्या नहुने सुव्बा अधिकारीको भनाई छ ।