ताँजाकोटमा जिप दुर्घटना हुँदा चार जना घाइते

दक्षिणी क्षेत्रको ताँजाकोट गाउँपालिकामा बोलेरो जिप दुर्घटना हुँदा ४ जना घाइते भएका छन् । गाउँपालिका केन्द्र छप्रेलाबाट मैला गाउँ जाने क्रममा रोकिएको उक्त जिप अचानक गुड्दा दुर्घटना भएको हो ।

शनिबार राति ११ बजे छप्रेलाबाट मैला गाउँमा जाने तयारी अवस्थामा रहेको र सडकमा रोकिएको बा १८ च ३९५१ नम्बरको बोलेरो जिप एक्कासि गुड्दा सडकको भित्तामा ठोकिएर पल्टिँदा चार जना घाइते भएको जिल्ला प्रहरी कार्यालय हुम्लाका प्रहरी नायव उपरिक्षक हेरमबा शर्माले जानकारी दिनुभयो । तीनजनालाई स्थानीय स्वास्थ्यचौकी र एक जनालाई कोल्टीमा लिएर उपचार गरिएको र सबैको अवस्था सामान्य रहेको उहाँले बताउनुभयो ।

दुर्घटनाबाट घाइते हुनेमा ताँजाकोट गाउँपालिका ३ की १३ वर्षीया सरिता नेपाली, सोही वडाकी ७ वर्षीया गीता नेपाली, वडा नम्बर ५ का २७ वर्षका रवीन्द्र नेपाली र वडा नम्बर २ का ३६ वर्षका जानदत्त जैसी छन् ।

घाइतेमध्ये सरिता बेहोस रहेको र उनको स्वास्थ्य चौकीमा सामान्य उपचारपछि बाजुरा जिल्लाको कोल्टीमा रिफर गरिएको छ । घाइते रवीन्द्रको टाउकामा सामान्य चोट लागेको प्रहरीले जनाएको छ । उनीहरू तीनै जनाको स्थानीय स्वास्थ्य चौकीमा उपचार भइरहेको प्रहरीले जनाएको छ ।

दुर्घटनामा घाइतेभएका सबैको अवस्था सामान्य रहेको र उनिहरुलाई डिस्चाजर्ज गरीएको जिलला प्रहरी कार्यालय हुम्लाले जानकारी दिएको छ ।