तीन वर्षको औषतमा हुम्ला अदालतद्धारा ६० वटा मुद्दा फस्र्यौट

जिल्ला अदालत हुम्लाले चालु आर्थिक वर्षको हालसम्म ६० वटा मुद्दाको फैसला गरेको छ । अदालतबाट प्राप्त विवरणअनुसार अघिल्लो आवको सरेको र यस वर्षको नयाँ दर्ता गरी चालु आवमा हालसम्म कूल एक सय १४ मुद्दा दर्ता भएको बताइएको छ ।

अघिल्लो आवमा सरेर आएको मुद्दा संख्या ६१ रहेको छ भने चालु आवमा नयाँ ५३ वटा गरेर अदातलतमा दर्ता भएका एक सय १४ वटा ११ मुद्दा मध्ये ६० वटा फस्र्यौट भइसकेको जिल्ला अदालत हुम्लाका श्रेष्तेदार मदनराज भट्टराईले बताउनुभयो । देवानी तर्फ जिम्मेवारी सरेको २७, नयाँ दर्ता भएका २५ वटा गरेर जम्मा ५२ वटा मुद्दा मध्ये ३० वटा फस्र्यौट भएका छन् भने २२ वटा फैसला हुँन बाँकी रहेका छन् ।

सरकारवादी मुद्दा जिम्मेवारी सरेका २६, नयाँ दर्ता भएका १५ गरेर जम्मा ४१ वटा मुद्दा मध्ये १७ वटा फस्र्यौट भएका छन्, भने २४ वटा मुद्दा बाँकी रहेको जिलला अदालत हुम्लाका भट्टराईले बताए । दुनियावादी फौजदारी तर्फ जिम्मेवारी सरेका आठ , नयाँ दर्ता १० गरेर १८ वटा मध्ये १३ वटा फैसला भएको र ५ वटा मुद्दा बाँकी रहेका छन् । यस्तै पुनरावेदनमा नयाँ दर्ता भएका तीनवटै मुद्दाको फैसला हुन बाँकी रहेको छ ।

जिल्ला अदालत हुम्लाले तीन वर्षको औषतमा दर्ता भएका मुद्दाको आधारमा हालसम्म ६८ दशमल ४ प्रतिशत मुद्दा फैसला गरेको जानकारी दिएको छ । यस्तै जिल्ला अदालत हुम्लामा आठ वटा बालबालिका सम्बन्धि मुद्दा दर्ता भएको थियो भने यस मध्ये चारवटा फैसला भईसकेको छ भने बालबालिकाको संख्या ११ वटा रहेको जानकारी प्राप्त भएको छ । यस्तै दुई जना बालबालिकालाई सुधार केन्द्रमा राखिएको समेत बताइएको छ । यस्तै जेष्ठ नागरीक सम्बन्धि कुनै पनि मुद्दा नपरेको जिल्ला अदालत हुम्लाले जानकारी दिएको छ ।

जिल्ला अदालत हुम्लामा बालबालिका बाहेक अन्य थुनुवा रहेका नौ वटा मुद्दा चालुमा रहेको छ भने मानिसको संख्या दश रहेको जिल्ला अदालतका श्रष्तेदार भट्टराईले जानकारी दिए ।

यस्तै जिल्ला अदालत हुम्लाका न्यायधिश जगत बहादुर पौडेलले अदालतको काम प्रति नागरीकको बुझाईमा कमि भएको र शिक्षित तथा जाने बुझेका वर्गले पनि कुन तरिकाले बुझेका हुन् त्यो जानकारी आउन नसकेको बताए । अदालतले कानुन संम्वत काम गर्ने भनाई रहेकोम छ ।

जिल्लामा कार्यरत सञ्चारकर्मीहरु सँग भरखरै सरुवाभएर हुम्लाला पुगेका जिलला न्याधिश जगत बहादुर पौडेलले परिचयात्म कार्यक्रम राखेका थिए ।