नेपाल राष्ट्र्यि शिक्षक संगठन खार्पुनाथद्धारा गाउँपालिकाको ध्यानार्कषण

नेपाल राष्ट्रिय शिक्षक संगठन खार्पुनाथले वैशाख ४ गते खार्पुनाथ गाउँपालिकाको ध्यानार्कषण गराएको छ । गत चैत २९ गतेबाट खार्पुनाथ गाउँपालिका वार्ड नम्वर १ को प्युस गाउँमा रहेको कैलाश आधारभूत विद्यालयमा ताला बन्दी गरेको विषयमा सो संगठनले गाउँपालिका कार्यालयको ध्यानार्कषण गराएको शिक्षक भानुभक्त जैसीले बताए ।

शिक्षक जैसीका अनुसार सोही विद्यालयको प्रधानाध्यापक नियुक्ति, विद्यालय व्यवस्थापन, सञ्चालन र रेखदेखको जिम्मा विद्यालय व्यवस्थापन समितिलाई हुँदा हुदै विव्यसको अधिकारलाई निष्कृया बनाई खार्पुनाथ गाउँपाकिलाबाट शिधै प्रअ नियुक्ति गरेको प्रति नेपाल राष्ट्रिय शिक्षक संगठन खार्पुनाथ कमिटिले गाउँपालिकालाई गम्भिर ध्यानार्कषण गराएको छ ।

गाउँपालिका भित्रका शैक्षिक गतिविधिहरुलाई प्रभावकारी ढंगले बनेको गाउँ शिक्षा नियावली कुनै पनि विद्यालयमा उपलव्ध नहुँदा शैक्षिक गुणस्तर उकास्न र शिक्षा सम्वन्धि कुनै पनि निर्णय गर्दा विद्यालय तथा शिक्षक अन्यौल भएको हुँदा सम्पुर्ण विद्यालय गाउँ शिक्षा नियावली उपलव्ध गराउनका लागि सो संगठनले अनुरोध गरेको छ ।