मार्सी धान फल्ने खेत बाँझै रहेपिछ कृषकहरुलाई चिन्ता

सडक बनाउँदा कुलो भत्किएपछि सिमकोट गाउँपालिका वार्ड नम्वर १ र २ मा पर्ने ग्याग्रु जिउलामा मार्सि धान फल्ने सम्भावना कम भएको स्थानीयले गरेका छन् । डोजरले सडक बनाउने क्रममा सो जिउलामा धानको बीउ राख्ने समयमा कुलो भत्किएपछि ग्याग्रु जिउलाको ४० रोपनी खेत बाँझो रहेने भएका छन् ।

कुलो भत्किएपछि सबै काम रोकिएको र खेत हालसम्म बाँझै रहेको वार्ड नम्बर २ का जस भण्डारीले बताए । हिउँदमा गहुँ, उवा छर्ने र जेठ, असारमा धान रोप्ने खेत सिंचाईको सुविधा नभएपछि खेत बाँझै रहने भएको भण्डारीको भनाई छ । उक्त जिउलामा लिएको कुलो निर्माण नगरेमा त्यस क्षेत्रका खेत बाँझो रहने किसानले चिन्ता व्यक्त गरेका छन् ।

तर कुलोलाई सुचारु गर्नका लागि स्थानीयले सरोकारवाला निकायलाई आग्रह गरेको अर्का स्थानीय दाने भण्डारीले बताए । “ उनले भनेए; ” सो ठाउँमा ‘सडक पनि बन्यो’ । अब कुलो मर्मत गरेर सुचारु भएत झनै सुविधामा पुगिने थियौँ ।

सडक निर्माणका क्रममा केही क्षेत्रमा माटो र ढुङ्गा खस्दा कुलो छोपिएको तथा केही क्षेत्रमा क्षति पुगेका कारण यसलाई छलफलबाट समाधान ल्याउने सिमकोट गाउँपालिका अध्यक्ष पदम बहादुर लामाले जानकारी दिए । कुलो अवलोकनमा पुगेका लामाले सडक निर्माणका क्रममा सिंचाई कुलोमा क्षति पुगेको र अब त्यसको मर्मतका लागि केही उपाय निकाल्नु पर्ने प्रतिकृया दिए ।