एक हप्ता पछि इन्टरनेट सेवा शुचारु

हुम्लाको सदरमुकाम सिमकोट सहित आसपासका क्षेत्रमा एक हप्ता देखि अवरुद्ध बनेको इन्टरनेट सेवा आज दिउँसोबाट शुचारु भएको छ । कालिकोट जिल्लाको महाबुलेखमा रहेको रिपिटर टावरमा खरावि आउँदा अवरुद्ध बनेको इन्टरनेट सेवा मर्मतपछि आजबाट दिउँसो तीनबजेबाट सञ्चालनमा आएको हो ।

शनिबार बेलुकाबाट अवरुद्ध बनेको इन्टरनेट सेवा आजबाट सञ्चालनमा आउँदा जिल्लामा सञ्चालित एक दर्जन बढी बैंक तथा बित्तीय संस्थालाई सहज भएको छ । महाबुलेखमा प्राविधिकको टोली पुगेर रिपिटर टावरमा बिग्रेको सामान काठामाडौँबाट ल्याएर जडान गरे पश्चात आजबाट इन्टरनेट सेवा सञ्चालनमा आएको दुर सञ्चार प्राधिकरण कार्यालय सिमकोटका उब्जन शाहीले जानकारी दिनुभयो ।

आज विहान प्राविधिकको टोली महाबुलेखमा पुगी मर्मत गरेर इन्टरनेट सेवा शुचारु हुँदा जिललाका सञ्चार माध्याम देखि अन्य सेवाग्राहीलाई सहजभएको छ । इन्टरनेट नहुँदा राष्ट्रिय बाणिज्य बैंक बाहेक अन्य बैंक तथा वित्तिय संस्थाहरुको कारोबार समेत हप्तादिन देखि ठप्प भएको थियो, भने आजबाट सम्पुर्ण सेवाहरु सञ्चालनमा आएका छन् । इनटरनेट सेवा शुचारु हुँदा सिमकोटमा सञ्चालित सरकारी तथा गैरसरकारी कार्यालय सहित अन्य इन्टरनेट सेवाग्राहीलाई सहज भएको छ ।